Октябрьскийның КВН командасы «Голосящий профком» Гран-при иясе булды
Октябрьскийның КВН командасы «Голосящий профком» Гран-при иясе булды Уфада, «Торатау» конгресс-холлында, хезмәт яшендәге яшьләр арасында «Голосящий профком» IV Бөтенрусия профсоюзы КВН фестивале узды. Юмористик ярышта илнең 15 шәһәреннән һәм 9 төбәгеннән 18 команда катнашты. Алар арасында — Октябрьскийның «Ышаныч» социаль йортыннан «Перезагрузка» командасы да бар иде. Октябрьскийлылар чыгышларын «Иминлек» Республика геронтология үзәге карамагындагылар белән бергә әзерләгәннәр. — Нәкъ менә өлкән буынның ихласлыгы, җылысы һәм кабатланмас энергиясе тамашачыларны да, кырыс жюрины да әсир иткән чыгышның төп үзенчәлеге булды. Уңыш — социаль өлкә хезмәткәрләренең көн саен һөнәри осталык һәм кайгырту күрсәтеп кенә калмыйча, кешеләргә шатлык, көлке һәм яхшы кәеф бүләк итә белүләренең дәлиле, — дип ассызыклады Октябрьский социаль йорты директоры урынбасары Наталья Чугунова. Чара «Хезмәт! Профсоюз! Бердәмлек!» девизы астында узды. Фестивальне Башкортстан профсоюзлар Федерациясе БР Яшьләр сәясәте министрлыгы һәм Уфа КВН ярдәме белән оештырган. 📷 Фото Наталья Чугунова тарафыннан бирелде