❄️ Алда торган кышкы сезонда, югары әзерлек режимы игълан ителгән очракларда, Октябрьск...
❄️ Алда торган кышкы сезонда, югары әзерлек режимы игълан ителгән очракларда, Октябрьский юлларына чыгарга 90 берәмлектән артык техника әзерлек стадиясендә. Әлеге мәгълүматны шәһәр хакимияте башлыгы Алексей Пальчинский җиткерде. 🚜 Бүген Октябрьскийның Совет мәйданында кышкы чорга коммуналь хезмәтләрнең һәм техниканың әзерлеге тикшерелде. Техника парадында «Теплоэнерго», «Водоканал», «Жилуправление», «Электр челтәрләре», «Башкирэнерго» һәм «ДорСтройРемонт» җәмгыятьләре катнашты. Соңгысы унга якын техника берәмлеге тәкъдим итте һәм бу аңлашыла да: шәһәр юлларын кышкы чорда тәртиптә тотуның зур йөкләнеше нәкъ менә алар җилкәсенә ята. - Чын кыш декабрь азагында һәм ул гадәттә көчле кар явуы белән башлана. Мондый шартларда өзлексез эшләү өчен техниканың гына түгел, кешеләрнең дә әзерлеген тәэмин итү бик мөһим, - дип ассызыклады Алексей Евгеньевич.