25 хәрби подразделениедә хезмәт итүче якташларыбызга адреслы ярдәмебез юнәлтелгән.
25 хәрби подразделениедә хезмәт итүче якташларыбызга адреслы ярдәмебез юнәлтелгән. Конвойны әзерләүдә Октябрьский шәһәреннән «Оберег» волонтерлар төркеме актив катнашты. Алар Туймазы районыннан «Плетём Победу» автоном коммерцияле булмаган оешмасы фикердәшләре белән берлектә Русия Герое М. Шәйморатов исемендәге батальон өчен зур заявканы тулысынча яптылар. Кыска срокларда маскировка челтәрләре, антитепловизион пончо һәм юрган, «Кикимора» костюмнары, янгын сүндергечләр, газ баллончиклары, окоп шәмнәре, хәрби куртка, флис кофта, термокием, оекбаш, башлык, трико һәм башка кирәк-ярак әзерләнеп төялде. Аерым игътибар медицина чаралары белән тәэмин итүгә бирелде: «Нефопам», «Солдат» яра төзәтү пастасы, Гаряев кремы һәм шәм, салкын тиюгә һәм вирусларга каршы препаратлар безнең сугышчыларга һәрвакыт кирәк. Октябрьский нефть көллияте укытучылары ярдәме белән «Штурмовик-5» жгутларын сатып алу мөмкин булды. 9нчы мәктәп укучысы, яшь волонтер Эмиль Гилаев «Нефопам» өчен саклагыч контейнерлар партиясен әзерләгән. Гуманитар конвой составына шулай ук урын-җир кирәк-яраклары, сөлге, мендәр, матрас, шәхси гигиена чаралары, шулай ук каен һәм имән себеркеләре керде. Традицион рәвештә волонтерлар сугышчылар өчен өй токмачы, кайнатма, как, Башкортстан үләннәреннән шифалы чәй, бал, җиләк-җимеш һәм тәм-томнар җыйды. Җибәрелгән посылкаларның күләме шулкадәр зур булды ки, батальон сугышчылары аларны логистика үзәгеннән ике көн дәвамында чыгарды — ике машинада дүрт рейс ясалды.