🔹 Тываның Баштыңының ээлчеглиг соңгулдаларынга бадылаашкын сентябрь 20-де болур. Июньн... — 18 июня 2026 г. в 02:33:15.470
🔹 Тываның Баштыңының ээлчеглиг соңгулдаларынга бадылаашкын сентябрь 20-де болур. Июньнуң 16-да республиканың Дээди Хуралы «Россия Федерациязының хамаатыларының соңгуур эргелериниң кол магадылалдары болгаш соңгуур эргезиниң дугайында» федералдыг хоойлу база «Тыва Республиканың Баштыңының соңгулдаларының дугайында» регионалдыг хоойлу езугаар ол хүннү доктаадыр дугайында шиитипирни хүлээп алган. Республиканың амгы Баштыңының беш чыл хуусаазы сентябрьның ийиги улуг-хүнүнде, азы 13-те төнер. Ындыг болзажок, Тываның парламентарийлери губернатор соңгулдаларын Россияның Президентизиниң чарлыы-биле сентябрь 20-де кылдыр доктааткан Күрүне Думазының соңгулдалары-биле каттыштырарын шиитпирлээн. Владислав Ховалыг ийи дугаар соңгулдаларга киржир деп турарын чарлаан. Май 22-де Кремльге Россияның Президентизи-биле ажылчын ужуражылга соонда, дораан-на партия кежигүннеринге ол дугайында дыңнаткан. Президент ол ужуражылга үезинде ооң республика Баштыңы албан-дужаалче катап соңгулдаларга киржир күзелин деткээн. Владимир Путин Владислав Ховалыгның регионнуң удуртукчузу кылдыр ажылын мактап, ылаңгыя чуртталга тудуунуң бедик темпизин болгаш хемчээлиниң көскү өзүлдезин демдеглээн. Бо чедиишкин дээш, Тываның Баштыңы июньнуң 10-да Россияның Президентизинден мактал бижикти алган. РФ-тиң Президентизи 2021 чылдың апрель 7-де Владислав Ховалыгны Тываның Баштыңының хүлээлгезин күүседир кылдыр томуйлаанын сагындыраал. Ол-ла чылдың сентябрь 19-та, Күрүне Думазының соңгулдалары-биле чергелештир республика Баштыңының соңгулдалары болуп эрткен, аңаа Владислав Ховалыг соңгукчуларның 86,8 хуу үнүн ап, быжыы-биле тиилээн.