🔹 Ю. Ш. Кюнзегеш аттыг Тыва ном үндүрер чери амгы үениң садыг чедирилге ачы-дузазын че... — 21 июля 2026 г. в 09:58:52.956
🔹 Ю. Ш. Кюнзегеш аттыг Тыва ном үндүрер чери амгы үениң садыг чедирилге ачы-дузазын чедиишкинниг ажыглап, бүгү Россияда номчукчуларынче номнарны дүрген чорудуп, тыва чогаалчыларның чогаалдарын чедимчелиг тарадып турар. Амгы үеде номнар рыногунда Улуг эвес регионалдыг үндүрер черлер амгы ном рыногунуң үезинде, продукциязын шыгжамап-тударынче немлде чарыгдалдар үндүрбейн, ону тарадып-садарының эптиг аргаларын тывары чугула. Ынчангаш ном үндүрер чер номнарын садыг шөлдеринче кииреринден аңгыда, маркетплейс чедирилге ачы-дузазы-биле ажылдаарын база шилип алган. Бо арга-биле чедирилгелерни дүрген долдуруп, чагының кайда бар чыдарын хайгаарап, номнарны алырының янзы-бүрү аргаларын номчукчуларга сүмелеп турар — бээр пунктулардан эгелээш, бажыңга чедиреринге чедир. Ындыг чедирилге өртээ чиик, а ооң четкен үези почтадан чорутканындан дүрген болур. Ном үндүрер черниң мындыг ачы-дуза шиитпири бир чыл дургузунда бүгү чурттан номчукчуларны тыпкан. Тывадан номнарны Москва, Санкт-Петербург, Томск, Омск, Казань, Абакан, Красноярск, Новосибирск, Тюмень дээш, Россияның өске-даа хоорайларынче чоруткан. Белекке бээр номнар, уруглар чогаалдары, тыва тоолдар чыындылары, амгы тыва чогаалчыларның чогаалдары - эң нептереңгей чагыглар. Чоокта чаа Томск облазының чурттакчызы тыва тоолдар чыындыларын садып алган, а Евгения Чүлдүмнүң «Вечные дожди, туманы, миллионы рассветов» деп номун Забайкалье крайның Могоча хоорайже чоруткан. Чедирилге ачы-дузазын ажыглаары эвээш санныг тиражтар-биле ажылдаарынга, номчукчуларның чагыгларын дүрген чорударынга, хөй акша-хөреңги киирилдези чокка номчукчуларны калбартырынга дузалаар деп, ном үндүрер чер демдеглээн. Ном үндүрер черниң ВКонтактыда албан езузунуң арынындан номнарны дорт чагыдып ап болур. Чагыгны кылырда, номнуң адын, чеде бээр хоорайын болгаш харылзажыр аргаларын айтыр. Ном үндүрер черниң ажылдакчылары өртээн санааш, канчаар чорударын дугуржуп алыр.