Николаевка районы Зур Чирекле авылында туганлык бәйләнешләрен саклап яшәүче гаиләләр би... — 31 августа 2026 г. в 08:50:16.882
Николаевка районы Зур Чирекле авылында туганлык бәйләнешләрен саклап яшәүче гаиләләр бик күп. Телефон яки видеоэлемтә күңелгә ятышлы сөйләшүне, тере аралашуны алыштыра алмый. Нәкъ менә шуңа күрә август көннәренең берсендә Бирюков Ярулла Хәйрулла улы гаиләсе — нәсел дәвамчылары барысы бергә җыелырга карар кыла. 9 баланың бишесе исән-сау яши. Ярулла бабай авылда беренчеләрдән булып Мәккәгә хаҗ кылган. Аның балалары һәм оныклары бу миссияне дәвам итәләр. Ул 30 елга якын авыл мәчетләренең берсендә мулла булып эшләгән. Очрашуга Бирюковлар нәселеннән 70кә якын кеше килгән иде. Бергә җыелган туганнарның андый санда булуы мөмкин түгел кебек. Әмма төрле шәһәрләрдән һәм башка районнардан килгән кешеләр, таныш йөзләрне күреп, чын күңелдән шатландылар. Кайберәүләр үзләренең икетуган яки өчтуган абыйлы-энеле һәм апалы-сеңелле икәнлекләрен шушында ук белделәр.