Иртәгә, 30 октябрьдә, "Өмет"ебезнең чираттагы 1920 нче саны дөнья күрәчәк. Бу атнада га...
Иртәгә, 30 октябрьдә, "Өмет"ебезнең чираттагы 1920 нче саны дөнья күрәчәк. Бу атнада газетабыз нинди яңалыкларга бай соң? 4 ноябрь – Халыклар бердәмлеге көне. Өлкәбездә халыклар бердәмлеген ныгыту максатында бихисап эшләр башкарыла - бу хакта газета битләрендә. Россия Президенты Владимир Путин гаскәрләрнең берләштерелгән төркеме идарәсенең командалык пунктында булды һәм команда составы белән киңәшмә үткәрде. Губернатор Алексей Русских Димитровград шәһәренең Г.Тукай исемендәге 22 нче урта мәктәбендә булды. Укытучыларга - «Хезмәт ветераны» исеме бирелерме? "Өмет"не укысагыз, белерсез! Мәркәзебез Казанда Бөтендөнья татар конгрессы тарафыннан оештырылган IX Бөтенроссия татар журналистлары форумы узды. Әлеге чарада Ульяновск өлкәсенең “Өмет” һәм “Күмәк көч” газеталары җитәкчеләре катнашты. "Өмет"ебез кунагы - Новоспасское бистәсенең “Доктор Аделов клиника”сы карамагындагы “Прозрение” бүлегенең табиб-офтальмологы Раил Рөстәм улы Кадермятов. «Ульяновск өлкәсенең күркәм гаиләләре тормышы” китабына кергән үрнәк Аряповлар гаиләсе белән дә таныштырабыз. Ульяновск шәһәренең Үзәк Җәмигъ мәчетендә "Дин дәресләре мәктәбе”нә нигез салучы Асия хаҗия Мөлекованы дога белән искә алдылар.