РОССИЯҔА СОЦИАЛЬНАЙ ҮЛЭҺИТ КҮНҮНЭН! — 8 июня 2026 г. в 15:22:42.045
РОССИЯҔА СОЦИАЛЬНАЙ ҮЛЭҺИТ КҮНҮНЭН! Күндү социальнай көмүскэл эйгэтин үлэһиттэрэ, убаастабыллаах бэтэрээннэр! Эһигини бүгүн, Россияҕа социальнай үлэһит күнүнэн, идэлээх бырааһынньыккытынан Уус Алдан улууһун дьаһалтатын уонна тус бэйэм ааппыттан итиитик - истиҥник эҕэрдэлиибит! Эһиги - кыһалҕалаах, кыаммат, көрүүгэ - истиигэ наадыйар кырдьаҕастарга, оҕолорго, инбэлииттэргэ, эдэр ыалларга, оҕо төрөөбүт дьиэ кэргэттэргэ, элбэх оҕолоох дьоҥҥо тирэх буолаҕыт. Эһиги көмөҕүтүнэн судаарыстыба өйөбүлүн, араас төлөбүрдэри, материальнай көмөлөрү аадырыстаан, кинилэр үлэлээх-хамнастаах буолан, дьоллоох олоҕу түстүүллэригэр көмөлөһөҕүт. Дьон кыһалҕатын өйдөөн, хас биирдии түгэҥҥэ сөптөөх быһаарыыны ылынан, бэйэҕит сыраҕытын ууран, сүрэххит сылааһын биэрэн үлэлииргитин сыаналыыбыт. Эһиги күннэтэ оҥорор үтүөҕүт, аламаҕай сыһыаҥҥыт дьоҥҥо сырдыгы, эрэли саҕар, олоххо дьулууру биэрэр. Ааспыт сылтан улуустааҕы социальнай көмүскэл управлениета уонна сокуоннай саастарын ситэ илик оҕолору реабилитациялыыр киин холбоһоннор “Социальнай көмүскэл комплекснай киинэ” диэн саҥа тэрилтэ буолан үлэлиир. Киин 63 үлэһиттээх, социальнай өҥөлөрү өссө кэҥэтэн, олохтоохторго билиҥҥи кэм ирдэбилигэр эппиэттиир усулуобуйа тэриллибитэ. Бу кэрэ бэлиэ күҥҥэ, социальнай көмүскэл эйгэтигэр хас да сыл устата эҥкилэ суох үлэлээн, кэлэр көлүөнэҕэ үтүө холобур буолбут убаастабыллаах бэтэрээннэрбитигэр уонна араас кэмҥэ үлэлээн ааспыт дьоммутугар истиҥ махталбытын тиэрдэбит. Эһиэхэ, барыгытыгар чэгиэн доруобуйаны, сыралаах үлэҕитигэр үрдүк ситиһиилэри, дьиэ кэргэттэргитигэр дьоллоох, байылыат олоҕу баҕарабыт! Уус Алдан улууһун баһылыга Василий Алексеев.