Арассыыйаҕа Норуоттар сомоҕолоһууларын, Саха Сиригэр Култуура,
Арассыыйаҕа Норуоттар сомоҕолоһууларын, Саха Сиригэр Култуура, Уус Алдан улууһугар түмсүү уонна бииргэ үлэлээһин сылларыгар анаммыт “КЭХТИБЭТ ТАЛААННАР” Уус Алдан нэһилиэктэрин бэтэрээннэрин Сэбиэттэрин икки ардыларыгар ыытыллар уус-уран самодеятельность бэстибээлин ыытыы БАЛАҺЫАННЬАТА Бэстибээл тэрийээччилэрэ: • Уус Алдан улууһун нэһилиэктэрин дьаһалталара; • Уус Алдан улууһун бэтэрээннэрин Сэбиэтэ; • Уус Алдан улууһун култуураҕа управлениета. Бэстибээл ыытыллар сыала-соруга: • Аҕам саастаах көлүөнэҕэ болҕомто ууруу; • Нэһилиэнньэ аҕам саастаахтарын сынньалаҥнарын тэрийии; • Эдэр көлүөнэ ыччакка үтүө холобуру көрдөрүү. Бэстибээли ыытыы ирдэбиллэрэ: 1. Бэстибээлгэ нэһилиэккэ олорор, үлэлиир 60-нарын туолбут бэтэрээннэр кыттыыны ылаллар; 2. Бэстибээли көрүү 3 бөлөҕүнэн ыытыллар: Бастакы бөлөххө киирэллэр: Мүрү, Лөгөй, Дүпсүн, Найахы, 1-кы Хоро нэһилиэктэрэ. Буолар сирэ – Дүпсүн нэһилиэгэ. Суотту, Курбуһах, Өлтөх, Бороҕон нэһилиэктэрэ. Буолар сирэ – Бороҕон нэһилиэгэ. Иккис бөлөххө киирэллэр: Бэрт-Ууһун, Байаҕантай, Хоро нэһилиэктэрэ. Буолар сирэ – Хоро нэһилиэгэ. Өнөр, 2-с Лөгөй, Баатаҕай, 1-кы Өспөх нэһилиэктэрэ. Буолар сирэ - 1-кы Өспөх нэһилиэгэ. Үһүс бөлөххө киирэллэр: Чэриктэй, Өспөх нэһилиэктэрэ. Буолар сирэ – Өспөх нэһилиэгэ. Түүлээх, 2-с Байаҕантай, Бээрийэ нэһилиэктэрэ. Буолар сирэ – Бээрийэ нэһилиэгэ. Бэстибээлгэ ирдэниллэр нүөмэрдэр: · 1 соло · 1 бөлөҕүнэн үңкүү · 1 ансамбылынан ырыа (холбоһуктаах ансамбыл); · 1 сценка · 1 квартет эбэтэр трио · 1 уус-уран ааҕыы. 3.1. Ирдэнэр толоруулар: • ирдэниллэр ырыаларга 1 ырыа - СӨ култууратын үтүөлээх үлэһитэ, ырыа айааччы Виталий Тимофеевич Андросов төрөөбүтэ 75 сылыгар ананан, кини айбыт ырыаларыттан толоруу. • уус-уран ааҕыыга - СӨ култууратын үтүөлээх үлэһитэ, Уус Алдан улууһун бочуоттаах олохтооҕо, бэйиэт Анатолий Гаврилович Старостин-Сиэн Кынат төрөөбүтэ 80 сааһынан кини айымньыларыттан, хоһоонноруттан ааҕыы. 3.2. Сыаналанар: • Толоруу маастарыстыбата • Көстүүм • Маассабас. 4. Кыайыылаахтары наҕараадалааһын: • Бэстибээл түмүгэ нэһилиэктэр икки ардыларыгар ыытыллар бэтэрээннэр Сэбиэттэрин көрүү уопсай түмүгэр ааҕыллар. • Бастыҥ нүөмэрдэргэ лауреаттар, дипломаннар үрдүк ааттара иҥэриллэллэр. 5. Бэстибээл алтынньы 8 - 28 күннэригэр анал графигынан ыытылыллар. Билсэр нүөмэргит: Колодезников Иван Иванович – 89142323368, улуустааҕы бэтэрээннэр Сэбиэттэрин бэрэссэдээтэлэ. Лугинова Анна Егоровна – 89142664773, улуустааҕы култуура управлениетын кылаабынай специалиһа.