Бүгүн, от ыйын 11 күнүгэр, Уус Алдан улууһугар суолталаах бэлиэ түгэн буолла. — 11 июля 2026 г. в 08:48:35
Бүгүн, от ыйын 11 күнүгэр, Уус Алдан улууһугар суолталаах бэлиэ түгэн буолла. Ол курдук «Бороҕон нэһилиэгэ» тыа сирин түөлбэтин дьокутааттарын Сэбиэтин уурааҕынан, Саха Өрөспүүбүлүкэтигэр олохтоох салайыныы туһунан сокуоҥҥа олоҕуран, нэһилиэк баһылыгын дуоһунаһыгар хандьыдааттары сүүмэрдээн талыы куонкуруһа аан бастакытын ыытылынна. «Бороҕон нэһилиэгэ» тыа сирин түөлбэтин Устаабыгар, нэһилиэк дьокутааттарын Сэбиэтин 2026 сыл кулун тутар 30 күнүнээҕи 08 №-дээх быһаарыытынан, ону таһынан нэһилиэк дьокутааттарын Сэбиэтин 2026 сыл бэс ыйын 09 күнүнээҕи 10 №-дээх быһаарыытынан бигэргэтиллибит Бэрээдэккэ уонна Куонкурус хамыыһыйатын 2026 сыл от ыйын 11 күнүнээҕи быһаарыытыгар олоҕуран, куонкурус ыытылынна. Куонкурус түмүгүнэн Копырин Константин Михайлович «Бороҕон нэһилиэгэ» тыа сирин түөлбэтин баһылыгынан талылынна. Константин Михайлович бу иннинэ «Уус-Алдан улууһа» муниципальнай оройуонун «Бороҕон нэһилиэгэ» тыа сирин түөлбэтин баһылыгын эбээһинэһин толорооччу дуоһунаһыгар үлэлээбитэ. Улуус дьаһалтатын аатыттан Константин Михайловиһы эппиэтинэстээх дуоһунаска анаммытынан итиитик-истиҥник эҕэрдэлээн туран, үлэтигэр үрдүк ситиһиилэри, Бороҕон нэһилиэгин сайдыытыгар туһаайыллыбыт былааннара барыта олоххо киирэригэр баҕарабыт. Улуус дьаһалтатын пресс-сулууспата.