Салгыы тыа хаһаайыстыбатын министиэристибэтин иһинэн сүөһү, сылгы көрөөччүлэри өйүүр сы... — 21 июля 2026 г. в 06:13:23.904
Салгыы тыа хаһаайыстыбатын министиэристибэтин иһинэн сүөһү, сылгы көрөөччүлэри өйүүр сыаллаах ыытыллар сүүмэрдээһиҥҥэ улуус тыатын хаһаайыстыбатын үлэһиттэрэ ситиһиилээхтик кыттан 13 МТЗ тыраахтар, 7 кыра кыамталаах тыраахтар, 6 УАЗ "Фермер" массыына, 2 снегоход, 5 пресс-подборщик, 5 косилка, 3 мунньар уонна 53 төбө сылгы, уопсайа 35 хаһаайыстыбаҕа субсидияннан ылыллара ситиһиллибитэ. Бүгүн ол кэлбит техникалары Айсен Сергеевичка көрдөрдүлэр. Ил Дархан өрөспүүбүлүкэ өттүттэн бу маннык өйөбүллэр оҥоһуллаллара тыа хаһаайыстыбатын сайдыытыгар төһүү күүс буолалларын бэлиэтээн туран, анаммыт хаһаайыстыбалар салайааччыларыгар техника күлүүстэрин үөрүүлээх быһыыга-майгыга туттарда. Харда тылы крестьянскай хаһаайыстыба салайааччыта Анатолий Бурнашев эттэ. Кини уопсайа улууска маннык көмөнү быйыл элбэх хаһаайыстыба ылбытын иһитиннэрдэ. "Биһиги сылгыны-сүөһүнү ииттэр хаһаайыстыбаларга маннык техникалар бэриллэн үлэбит тэтимирэн, үлэ таһаарыылаах буоларыгар улахан көдьүүһү биэрэр" - диэн этэн туран, өрөспүүбүлүкэ, улуус салалталарыгар хаһаайыстыбалар ааттарыттан махталын тиэртэ. Улуус дьаһалтатын пресс-сулууспата. 📸 ЯСИА