🏗️👷♂️Убаастабыллаах Уус Алдан улууһун тутуутун эйгэтин үлэһиттэрэ уонна бэтэрээннэрэ! — 9 августа 2026 г. в 04:23:04.436
🏗️👷♂️Убаастабыллаах Уус Алдан улууһун тутуутун эйгэтин үлэһиттэрэ уонна бэтэрээннэрэ! Эһигини бүгүҥҥү идэлээх бырааһынньыккытынан – Тутааччы күнүнэн – улуус дьаһалтатын уонна тус бэйэм ааппыттан итиитик-истиҥник эҕэрдэлиибин! Кэлиҥҥи кэмҥэ улууспутугар аныгы тииптээх саҥа оскуолалар, уһуйааннар тутулланнар оҕолорбут, кэнчээри ыччаттарбыт билиҥҥи ирдэбилгэ толору эппиэттиир эбийиэктэргэ иитиллэллэр, үөрэнэллэр, хаарбах туруктаах дьиэлэртэн көһөрүү бырагыраамманан былаан быһыытынан үлэлэр ыытыллар. Күн бүгүн хаарбах дьиэттэн көһөрүү бырагыраамматыган улуус киинигэр Бороҕоҥҥо 58 кыбартыыралаах дьиэ, нэһилиэктэргэ эдэр испсисэлиистэргэ анаан уопсай дьиэлэр, тыа хаһаайыстыбатын салаатыгар кыра кыамталаах эбийиэктэри тутуу бырагыраамманан хотоннор, үүт аһы астыыр сыахтар, пекарнялар тутуллаллар. Маны сэргэ Бороҕоҥҥо ОДьКХ салаатыгар улахан кыамталаан котельнай сотору кэминэн үлэҕэ киирэрэ былааннанар. Араас бырагыраамманан спорт саалалар, оҕо былаһааккалара тутуллан үлэҕэ киирдилэр. Маны барытын тутуу үлэһиттэрэ үүннээн-тэһииннээн, былааннаан ыыталлар. Кинилэр үлэлэрин түмүгүнэн сайдыы суолунан барабыт. Баҕарабыт кинилэргэ бу уустук, эппиэтинэстээх үлэлэригэр үрдүк ситиһиилэри, тус олохторугар дьолу-соргуну! Уус Алдан улууһун баһылыга Василий Алексеев.