Дьокуускай куоракка үгэс буолбут үөрэх үлэһиттэрин Атырдьах ыйынааҕы сүбэ мунньаҕын чэр... — 20 августа 2026 г. в 11:52:56.462
Дьокуускай куоракка үгэс буолбут үөрэх үлэһиттэрин Атырдьах ыйынааҕы сүбэ мунньаҕын чэрчитинэн агро-хайысхалаах оскуолалар уонна эдэр натуралистар станцияларын икки ардыларыгар «Урожай-2026» өрөспүүбүлүкэтээҕи күрэс буолан ааста. Быйылгы тэрээһин Саха Өрөспүүбүлүкэтин үөрэҕириитин үтүөлээх үлэһитэ, оҕону айылҕаны кытта алтыһыннаран иитиигэ олоҕун анаабыт Светлана Семеновна Данилова 70 сааһыгар ананна. Күрэскэ 26 агро хайысхалаах оскуолаттан уонна 2 эдэр натуралистар станцияларыттан 100 тахса эдэр натуралистар кыттыыны ыллылар. Күрэс түөрт сүрүн хайысханан ыытылынна: «Овощеводство и картофелеводство» — манна кыттааччылар араас суортаах хортуоппуйу, моркуобу, хаппыыстаны көрдөрдүлэр; «Плодово-ягодные культуры» — биһиги тыйыс айылҕабытыгар өлгөм үүнүүнү биэрэр сир аһын эгэлгэтэ турда; «Декоративное цветоводство и ландшафтный дизайн» — оскуола тиэргэнин киэргэтэр сибэккилэр композициялара көрөөччүлэр болҕомтолорун тартылар; «Экзотические овощные культуры» — сэдэх оҕуруот астарын көрдөрдүлэр. Тэрээһин бырагыраамата манан эрэ бүппэтэ. Үөрэнээччилэр уонна учууталлар айбыт киэргэтэн туруоруу быыстапкалара дьон болҕомтотун тарта. Ону таһынан, күһүҥҥү бырааһынньыгы ураты тыыннаабыт «Осенний бал» диэн көстүүм күрэһэ ыытылынна. Түмүккэ Мүрүтээҕи эдэр натуралистар станциялара «Овощеводство и картофелеводство» уонна "Экзотические культуры и лекарственные растения" диэн икки көрүҥҥэ бастакы миэстэни, «Плодово-ягодные культуры» уонна «Декоративное цветоводство и ландшафтный дизайн» диэн салааларга иккис миэстэни ылан, уопсай ахсаанынан муҥутуур кыайыылаах үрдүк аатын сүктүлэр. Бу ситиһии уһун сыралаах үлэ уонна айар кут түмүгэ буолар. Мүрүтээҕи эдэр натуралистар станцияларын коллективын, (салайааччы Таисия Шамаева) бу үрдүк ситиһиилэринэн итиитик-истиҥник эҕэрдэлиибит. Инникитин өссө үрдүк чыпчааллары дабайа тураргытыгар баҕарабыт👏🏻👏🏻👏🏻 Улуус дьаһалтатын пресс-сулууспата.