💪 Тыа сирин олоҕор кэтэх хаһаайыстыба иитэр-аһатар оруола сүҥкэн. Бэйэ илиитинэн олорд... — 22 июля 2026 г. в 13:28:56.832
💪 Тыа сирин олоҕор кэтэх хаһаайыстыба иитэр-аһатар оруола сүҥкэн. Бэйэ илиитинэн олордуллубут оҕуруотун аһын, бэриллибит этин-үүтүн сиир киһи санаатыгар да үчүгэй. Биллэн туран, бу барыта сыралаах үлэттэн тахсар. Сүөһү-кыыл бэрийиитэ үлэттэн чаҕыйбат дьон киэнэ. 👌 Оннук курдук хаһаайыстыба тэринэн Николай Николаевич Охлопков үлэлии-хамныы олорор эбит. ИП быһыытынан тэринэн отучча сыл дьонугар-сэргэтигэр мип-минньигэс килиэп астыыр. Күн аайы 80-чалыы улахан булкалаах килиэби Тулуна лааппытыгар атыыга туттарар. Күҥҥэ иккитэ буһараллар! Бу үлэһит сэмэй дьону көрүҥ эрэ! 👍 Аны туран сүөһүтэ, сылгылара. Уонча ыанар ынахтаах! Дьиэ таһыгар от хомуйтарар тэрилин уолунаан уонна сиэнинээн өрөмүөннүү сылдьалларын тутан кэпсэттибит. Эр дьон бэйэлэригэр эрэнэн дьаһанан олороллор. Күн баттаһа оттуу сылдьаллар. Үүнүү төһө мөлтөҕүн иһин, сөптөөх оту кээһэр санаалаахтар. Маннык курдук үлэнэн олорор дьон үтүө холобурдара, биһигини туохтааҕар да мотивируйдуур 🤝 «Макс»-канал: подписка ⚡️