Наталья уонна Пётр Тарабукиннар Тулуна биир бастыҥ эдэр ыалыгар ыалдьыттаатыбыт. Элбэх ... — 25 июля 2026 г. в 03:57:42.628
Наталья уонна Пётр Тарабукиннар Тулуна биир бастыҥ эдэр ыалыгар ыалдьыттаатыбыт. Элбэх оҕолоохтор – уолаттардаахтар. Дьиэ хаһаайына туппут сайыҥҥы беседкатыгар көрүстүбүт. Ыал уолаттара спортка сыстаҕастар: улаханнара волейболга эрчиллэр, иккистэрэ – хайыһардьыт. Эдэрдэр туруу үлэһиттэр – аҕалара ОДьКХ-ҕа хачыгаардыыр, ийэлэрэ аптекаҕа фармацевт-провизор. Тыа саҕатыгар киэҥ-куоҥ тэлгэһэлээхтэр, тупсаҕай ититиилээх дьиэлээхтэр, быйыл оҕолоругар сайыҥҥы дьиэ туттубуттар. Уопсайынан аҕалара илиитигэр маастар эбит, дьонун кытта сылгы ииттэллэр. «Ыччакка элбэх көмө оҥоһуллар, ону сөпкө туһана сатыыбыт. Дьоммут сүөһүлээх буолан тыа сиригэр улахан кыһалҕаны көрсүбэппит. Өссө эбии бултуубут-алтыыбыт», – диэн Тарабукиннар кэпсииллэр. Быр-бааччы, уйгу-быйаҥ олоҕу! Оҕолорго ситиһиилэри! 🤝 «Макс-канал»: подписка 🔵