Көбөкөннөр – балаҕаннаахтар! — 10 августа 2026 г. в 00:50:34.512
Көбөкөннөр – балаҕаннаахтар! Нам улууһугар быйыл Илья Егорович Винокуров 130 сааһынан сибээстээн үбүлүөйдээх сылынан биллэриллибит эбит. Өрүс нөҥүө сытар Көбөкөн сэлиэнньэтигэр саҥа сокуонунан Саха Сирин үрдүнэн бастакынан талыллыбыт нэһилиэк баһылыгын кытта билистим. Эдэр дьоһун баһылык Илларион Пестерев соторутааҕыта бэс ыйга быыбарданан саҥа үлэҕэ киирбит балаҕаҥҥа инагурациятын ааспыт. Уонтан тахса сыл кулууп салайааччытынан олорбут уол билигин бүттүүн нэһилиэк туһатыгар сүүрэн-хамсаан саҕалаабыт. Илларион Илларионович этэринэн, бу тутуу Намҥа сонун буолбатах, үгүс нэһилиэккэ балаҕаннар тутуллан үлэлииллэр. 2025 сыллаахха Көбөкөн олохтоохторо мустар, тэрээһин ыытар сирдэммиттэр. Эрдэ кырдьаҕастар балаҕаннара курдук былааннаммыт, саахыматтыыр, көрсөр сир эрэ буолар буоллаҕына, билигин дьон төрөөбүт күнүн, үбүлүөйдэрин бэлиэтииллэр. Баһылык инаугурацията оннооҕор ыытыллыбыт. Үс сыл тухары дьон бэйэтэ кыттыһан тутуу матырыйаалын, мебелын, туттар тэрилин барытын атыыласпыттар. Субуотунньук бөҕөтүн тэрийэн билигин толору хааччыллыылаах тупсаҕай уопсастабыннай сирдээхтэр. Мэһэйдэри, кыһалҕалары ааҕына олорбокко бэйэлэрэ туттанүдьаһанан киирбиттэрэ үөрдэр. Чааһынай дьиэ курдук коммунальнай, уот төлөбүрэ оҥоһулла турар, туһунан дьон тэрээһин ыытар буоллаҕына кыра арендаҕа уксар. Балаҕаҥҥа кухня да баар, туалет да баар. Маннык курдук дьон олохтоох дьаһалтаны кытары ыкса үлэлэһэн кыра ситиһиилэрдэнэн олоҕун-дьаһаҕын тупсара олороро бэлиэ көстүү. «Макс»-каналбар суруттар 🤝