🌷 Өлкәннәр көне — хөрмәт һәм ихтирам бәйрәме! 🌷
🌷 Өлкәннәр көне — хөрмәт һәм ихтирам бәйрәме! 🌷 Илебездә Өлкәннәр көне уңаеннан төрле чаралар үткәрелә. Бу матур традициядән без дә читтә калмадык. Бакырчы авылы клубында өлкән буын вәкилләре өчен бәйрәм концерты оештырылды. 🎶 Социаль хезмәткәрләр белән берлектә җылы чәй табыны әзерләдек. Өлкәннәребез яшьлек елларын искә алып, таныш-белешләре, элекке хезмәттәшләре белән аралашып, матур хатирәләрен яңарттылар. ☕️❤️ Мондый очрашуларның төп максаты — өлкән буынга хөрмәт һәм ихтирам күрсәтү генә түгел, ә аларның тормыш тәҗрибәсен, хезмәт юлын, гореф-гадәтләрен һәм кыйммәтләрен яшь буынга җиткерү дә. Өлкәннәребез — авылыбызның олы терәге, тарихыбызны һәм традицияләребезне саклаучылар. Аларга күрсәткән игътибарыбыз, хөрмәтебез һәм җылы сүзләребез һәрвакыт дәвамлы булсын! 🌸 Бәйрәмебез күңелле һәм күтәренке рухта узды. Бу матур очрашу мизгелләре өлкәннәребез күңелендә якты истәлек булып саклансын! 💐 Бәйрәм белән, кадерле өлкәннәребез! Сезгә ныклы сәламәтлек, күңел тынычлыгы, озын гомер һәм һәр көнегездә җылылык-куаныч телибез! ❤️ Мәдәният йорты мөдире Миләүшә Сәлахиева