Башҡортостан Башлығы “Урал батыр” эпосын һөйләүсе йәш сәсәндәрҙе бүләкләне. — 29 мая 2026 г. в 07:19:00.947
Башҡортостан Башлығы “Урал батыр” эпосын һөйләүсе йәш сәсәндәрҙе бүләкләне. Быйыл “Китап байрам” IV Халыҡ-ара китап йәрминкәһендә Радий Хәбиров XXVIII төбәк-ара “Урал батыр” эпосын һөйләүсе йәш сәсәндәр конкурсының абсолют еңеүсеһен бүләкләне. Ул — Борай районының Борай ауылы 3-сө урта дөйөм белем биреү мәктәбенең 11-се синыф уҡыусыһы Эльза Әхмәтханова. “Урал батыр” эпосын һөйләүселәр конкурс 1996 йылдан алып Башҡортостан Мәғариф министрлығы тарафынан йыл һайын үткәрелә. Маҡсаты — сәсәндәр мәктәбен тергеҙеү һәм үҫтереү, “Урал батыр” эпосын популярлаштырыу, башҡорт халыҡ ижадының иң яҡшы өлгөләрен һаҡлау һәм таратыу. Конкурс бер нисә этаптан тора: мәктәп, муниципаль, зональ этаптар. Финалға талантлы һәм әҙерлекле ҡатнашыусылар сыға. Улар араһында сәсәнлек сәнғәтенә беренсе аҙымдарын яһаған мәктәпкәсә йәштәге балалар ҙа, мәктәп уҡыусылары ла бар. Быйыл конкурстың финал этабында Ырымбур, Силәбе өлкәләре һәм Татарстан республикаһынан 50 уҡыусы, 27 мәктәпкәсә һәм дөйөм белем биреү ойошмаларының коллективтары ҡатнашты. #КитапБайрам #УралБатыр