Биир күн, Санкт-Петербуртан айар сойууһум бырабылыанньатыттан эрийэн, “Культура эйгэтин...
Биир күн, Санкт-Петербуртан айар сойууһум бырабылыанньатыттан эрийэн, “Культура эйгэтин салайыы үрдүкү оскуолатын 3-с потогар сүүмэрдээһин буолан эрэр, куонкуруска кытын эрэ” диэн этии киллэрбиттэрэ. Бу үөрэххэ ханыылыы, РФ Президенин дьаһалтатын иһинэн мэр, губернатор оскуолалара баарын билэрим, онон үөрэтэн, толкуйдаан көрөн баран, конкуруска кыттарга быһаарыммытым. Сүүмэрдээһин араас түһүмэхтэртэн турара, бүтэһик түһүмэх Москва5а сирэй олорон кэпсэтии этэ. Хас эмэ ый устата бииртэн биир түһүмэ5и туорааһын бэйэтэ кыайыы курдуга. 2000-тан тахса сайабылыанньа киирбититтэн, хас да тургутук, кэпсэтии кэннэ 85 киһини сүүмэрдээн талбыппыт, диэн этэллэр. Ол иһигэр Уһук Илинтэн 3 киһини: Забайкалье культуратын миниистирин, Улан-Удэ этнографияҕа түмэлин дириэктэрин уонна миигин. 38 регионтан 85 киһи үөрэнэ сылдьар. Култуура миниистирдэрэ, үөрэх кыһатын ректордара, түмэл, театр, филармония дириэктэрдэрэ, байыаннай оркестр дирижердара сүрүннээн үөрэнэллэр. Культура эйгэтигэр үлэлиир СВО кыттыылаахтара бааллар. Ол иһигэр биир Россия Геройа. Үөрэхпит олус интэриэһинэй. РФ Президенин дьаһалтатыгар үлэлии сылдьар дьон, улахан тэрилтэ салайааччылара үөрэтэллэр, анал лиэксийэлэри ааҕаллар. Россия культурнай-цифровой суверенитетыттан саҕалаан кэлэр сыллардааҕы судаарыстыбаннай бэлиитикэ, төрүт өйдөбүллэри сөргүтүү, тар5атыы хайдах буолуохтаа5ын, үлэ саңа көрүңнэрин, ньымаларын ырытыһабыт, үөрэтэбит. Сорох түһүмэхпит Крымңа “Меганомңа”, Подмосковьеҕа “Сенеж” салайыы мастарыскыайыгар буолбута. Бу сырыыга Татарстан Казаныгар кэллибит. Аны сэттис түмүктүүр үөрэхпит ахсынньыга Салехардка буолуохтаах. Түһүмэхтэр быыстарыгар дойдуга ыыталлар араас бырайыактарга үлэлэһэбит. Холобур, эһиил Ямал-Ненец автономиялаах уокуругар биллэриллиэхтээх Культура сылын былаанын оҥоробут, РФ Сэбилэниилээх күүстэрин түмэлин, “Россия” национальнай киинин ис хоһоонун бырайыактарын чочуйабыт. РФ Культураҕа миниистирэ Ольга Любимова эппитин курдук, бу поток Россия культуратын сүүмэрдэммит хамаандата буолар. Оттон культура диэн аҥаардас өңөнү оҥорор, аралдьытара, саататар эйгэ буолбатах, бу – биһиги дойдубут суверенитетын тулхадыйбат акылаата. Мин ону уһанса,кэрэ эйгэни салайыы уустук уонна дириң билиитин арыйа сылдьарбыттан, бэйэм курдук биир санаалаах дьону кытта алтыһарбыттан астынабын, ылбыт билиибин ыччат доңңо тириэртэрбин ханнык! Модун Россия биир сүдү күүһэ кини баай, дириң ис хоһоонноох культуратыгар! Хаартыска5а: бииргэ үөрэнэр до5орбунаан , Татарстан национальнай түмэлин салайааччытын Айрат Файзрахмановы кытары