Норуот сомоҕолоһуутун күнүнэн ис сүрэхпиттэн итиитик-истиҥник эҕэрдэлиибин!
Норуот сомоҕолоһуутун күнүнэн ис сүрэхпиттэн итиитик-истиҥник эҕэрдэлиибин! Норуот сомоҕолоһуутун күнэ Дойдубут хас биирдии олохтооҕун сүрэҕэр ураты миэстэни ылар, дириҥ ис хоһоонноох бэлиэ күн. Норуоттар сомоҕолоһууларын сылыгар бу бэлиэ күн суолтата өссө кэҥиир, улаатар. Сомоҕолоһуу күнэ Арассыыйа норуоттара үгүс үйэлэргэ бырааттыы уонна доҕордуу сыһыаммытын харыстаан, өйдөһөн-өйөһөн олорон кэлбиппитин кэрэһэлиир, сырдык кэскилбитин мэктиэлиир улахан суолталаах бырааһынньыкпыт. Араас култууралаах, үгүс үтүө үгэстэрдээх араас омук биир тылы булан, үйэлэр тухары түмсэн олорбут дойдутугар сомоҕолоһуу диэн кураанах тыл эрэ буолбатах. Сомоҕолоһуу – биһиги күүспүт, бигэ турукпут уонна чэчирии сайдыыбыт төрдө буолар! Күндү биир дойдулаахтарым! Барыгытын өссө төгүл Норуот сомоҕолоһуутун күнүнэн эҕэрдэлиибин! Улуу дойдубутунан киэн туттуу иэйиитэ, инники дьылҕатын туһугар туруулаһыы, эппиэтинэс биһигини сомоҕолоотун, үтүө соруктарга сирдээтин!