Түҥ былыргыттан, алааһынан бытанан олорор кэммититтэн оһуохай олохтонор кэмэ биир саама... — 25 мая 2026 г. в 15:04:53.134
Түҥ былыргыттан, алааһынан бытанан олорор кэммититтэн оһуохай олохтонор кэмэ биир саамай күүтүүлээх кэммит. Уһун кыһыны быһа биир сиргэ хаайтаран олорон баран, өбүгэлэрбит барахсаттар, дьону кытта билсэр-көрсөр, бэйэни көрдөрөр күүтүүлээх кэмнэрэ. Онон омук тыынын уһатар, дьону-сэргэни түмэр ураты айылгылаах итэҕэлбит биир көстүүтүн үйэтитэр сыаллаах, Саха Өрөспүүбүлүкэтин Ил Дархана Айсен Николаев 2023 сыллаахха, ыам ыйын 25 күнүгэр Оһуохай күнүн бэлиэтиир туһунан Ыйаахха илии баттаабыта. Быйыл номнуо Оһуохай күнүн бэлиэтээбиппит үһүс сыла буолла. Бэлиэ күнүнэн Саха сирин бука бары олохтоохторун итиитик-истиҥник эҕэрдэлиибин! Барыгытыгар или-эйэни, уйгуну –быйаҥы, кытаанах доруобуйаны уонна бараммат күүһү-уоҕу баҕарабын! Алаас, алаас аайытын оһуохайбыт дьиэрэйдин! Сахалыы саҥа сатараатын!