КҮН ӨРКӨН кыһатын төрүт култуура салаатын төрүттээччилэриттэн биирдэстэрэ, СӨ норуодуна... — 4 апреля 2026 г. в 16:37:07.643
КҮН ӨРКӨН кыһатын төрүт култуура салаатын төрүттээччилэриттэн биирдэстэрэ, СӨ норуодунай артыыһа, Афанасий Семенович Федоров 1992 сыллаахха умнуллан эрэр саха төрүт оонньууларын хомуйан брошюра оҥорон таһааран, ыччат өбүгэ оонньууларынан дьарыктанан эт-хаан, өй-санаа өттүнэн чэгиэн, сылбырҕа, имигэс буола сайдан тахсалларыгар олук уурбута. Бүгүн, муус устар 4 күнүгэр, Дьокуускай куорат 1 нүөмэрдээх оҕо спортивнай оскуолатыгар КҮН ӨРКӨН кыһатын көҕүлээһининэн, Афанасий Семенович үйэтиппит оонньууларыгар олоҕуран, Өрөспүүбүлүкэтээҕи "Өбүгэ оонньуулара" күрэх ыытылынна. Быйылгы күрэх Афанасий Семенович 85 саастаах үбүлүөйүгэр, Арассыыйа норуоттарын сомоҕолоһуутун сылыгар уонна Өрөспүүбүлүкэҕэ култуура сылыгар ананна. Күрэххэ өбүгэ оонньууларынан утумнаан дьарыктанар уолаттар илин-кэлин түһүстүлэр. Нам улууһуттан уонна Дьокуускай куораттан орто анал үөрэх тэрилтэлэрин устудьуоннара. Тыҥааһыннаах киирсии түмүгүнэн кыайыылаах үрдүк аатын КҮН ӨРКӨН кыһатын устудьуона Сокорутов Арсен ылла. Иккис уонна үһүс миэстэни Шираев Гаврил (С.Ф. Гоголев аатынан Дьокуускайдааҕы педагогическай колледж устудьуона) уонна Данилов Лука (В.М. Членов аатынан Дьокуускайдааҕы индустриальнай-педагогическай колледж устудьуона) үллэһиннилэр. Кыайыы өрөгөйүн билбит уолаттары ситиһиигитинэн эҕэрдэлиибин, инникитин да өбүгэ төрүт үгэстэрин өрө тутуҥ, эт-хаан өттүнэн чэгиэн-чэбдик буолуҥ. Күрэх тэрийээччилэригэр уонна күүс-көмө буолбут дьоммутугар бука барыгытыгар махталбын биллэрэбин. Хаартыскалар: https://disk.yandex.ru/d/GitgA05HZB-2PQ