АЛЫ УЫСМЫ ДÆР – ЦАРДМÆ УАРЗОНДЗИНАД!
АЛЫ УЫСМЫ ДÆР – ЦАРДМÆ УАРЗОНДЗИНАД! Тæхуды, цардмæ мидбылхудгæйæ кæсын чи зоны, йæ уды тæрæзтыл, царды тархъулæттыл рæсугъддзинад æмæ æцæгдзинад кæмæн кæнынц уæлахиз! Тæхуды, къæвда сæх-сæхæй куы ныккалы, æмæ адæм дугъы уайæгау сæ хæдзæрттæм куы фезгъорынц сæ зонтыктимæ, уæд йæ къæхтæ уынгмæ кæй фæхæссынц, æрдзы хивæнд митæй удæнцой исгæйæ. Ахæм у йæ конд, Хуыцау æнкъарæгой зæрдæ, цардмæ уарзондзинад æмæ стыр курдиатæй кæй фæхайджын кодта, уыцы адæймагæн. Ахæм у нæ абоны равдысты хъайтар дæр. Æхсызгонæй уæ размæ хæссæм раздæры барадхъахъхъ æнæг, пъæлицæйы булкъон отставкæйы, абон та креативон индустрийы райрæзты фонды менеджер, курдиатджын къамисæг, блогер Букуылты Андрейы ист къамты равдыст.