Бүген әле Мамадыш районы Җөри авылының Тырлау аланында «Питрау» бәйрәме дә узачак — 18 июля 2026 г. в 07:49:08.018
Бүген әле Мамадыш районы Җөри авылының Тырлау аланында «Питрау» бәйрәме дә узачак Бәйрәмдә Татарстан Рәисе Рөстәм Миңнеханов катнашуы көтелә. «Питрау»га 50 меңгә якын кунак киләчәк. «Керәшен авыллары», «Ватан сакчылары» фотокүргәзмәсе, «Фольклор мәйданы», «Керәшен кухнясы»,«Гамәли сәнгать, кул эшләре күргәзмәсе», «Димче Груня почмагы», «Җәшләр җыены» мәйданнары... Традицион «Керәшен чибәре» конкурсында 10 кыз әбиләре сандыгында сакланган керәшен киемнәреннән чыгыш ясаячак. «Питрау»ның тарихы җәйге кояш торгынлыгына барып тоташа. Питрау җитте, җәй үтте, диләр. Питраудан соң кәккүк тә кычкырмый, үләннәр дә үсми, су да коенмыйлар. Керәшеннәр бу вакытта печәнгә төшәләр, себерке бәйлиләр. Питрауга каршы төндә яшьләр кырга чыгып учак кабыза, кояш чыкканын сагалый, түгәрәк уенда әйлән-бәйлән уйный. «Питрау түгәрәк уены» фестивленә, Җөригә ашыгыгыз. Бәйрәм 16 сәгатьтә башлана. Ә тантаналы ачылыш – кичке 18 сәгатьтә!