Беренсе көндә 931182 кеше тауыш биргән
Беренсе көндә 931182 кеше тауыш биргән “Һайлау-2026” йәмәғәт матбуғат үҙәгендә Һайлауҙарҙың беренсе көнөнә йомғаҡ яһалды. Көн аҙағына һайлаусыларҙың 31,89 проценты тауыш биреүе асыҡланды. Үҙәк һайлау комиссияһы рәйесе урынбаҫары Марат Ғәҙелов әйтеүенсә, беренсе көн өсөн был бик һәйбәт һөҙөмтә. Гражданлыҡ бурысын үтәүҙә Нефтекама, Салауат ҡалалары, Асҡын, Благовар, Ейәнсура, Йылайыр, Миәкә, Салауат, Яңауыл райондары айырыуса ҙур әүҙемлек күрһәткән. “Һайлауҙарҙың өс көн дауамында уҙғарылыуы бик ыңғай күренеш. Ял көндәрендә көҙгөһөн күптәрҙе баҡса эштәре көтә, шуға ла күп халыҡ йома көндө тауыш биреүҙе уңайлы тип тапты, – ти Башҡортостан Республикаһы Йәмәғәтселек палатаһы рәйесе, Йәмәғәтселек штабы етәксеһе Энже Ревил ҡыҙы Әхмәҙуллина. Республиканың һайлау участкалары алдағы шәмбе, йәкшәмбе көндәрендә лә, йәғни 19-20 сентябрҙә үҙ эшен дауам итәсәк. Зөлфиә Ханнанова #ВыбираемВместе #ЕДГ2026 #АлгаВсейСемьей2026 #БашкортостанВыбирай2026 #ГолосМедиаСообществ2026