«Иреңде ихтирам итеүең үҙеңдең ихтирамыңды арттыра»
«Иреңде ихтирам итеүең үҙеңдең ихтирамыңды арттыра» ✅Бер ҡатын ябай ғына утын ярыусыға кейәүгә сыға. Ире эштән ҡайтҡанда ашарына әҙерләп, уны гел дә ҡапҡа янында ҡаршы ала торған булған. Ире ашап, йоҡларға ятҡас, ул йоҡлап киткәнгә ҡәҙәр эргәһендә ултыра. Быны күреп, ҡыҙы әсәһенән: «Әсәй, ниңә гел шулай эшләйһең?» – тип һорағас, әсәһе уға: «Һинең атайың башҡалар өсөн ябай утын ярыусы ғына, ә беҙҙең йорт эсендә ул – йорттоң батшаһы, шуның өсөн дә мин уның менән батшалар кеүек мөғәләмә итәм», – тип яуап бирә. ✅Ир кешенең йорттағы роле ҙур. Шуның өсөн һәр ваҡытта йортта ла, балаларҙың алдында ла уны ҡәҙерләп, ихтирам итеп торорға ҡушыла. ✅Ислам динендә: «Иреңде ихтирам итеүең үҙеңдең ихтирамыңды арттыра, ә уны ҡәҙерләүең үҙеңдең ҡәҙереңде генә үҫтерә» , – тиелә. Әбү Һөрәйрә бәйғәмбәребеҙ ғәләйһиссәләмдең һүҙҙәрен еткереп: «Әгәр миңә кешеләрҙән кемгә лә булһа икенсе береһенең ҡаршыһында сәждә ҡылырға әмер итергә тура килһә, мин, әлбиттә, ҡатынға иренә сәждә ҡылырға әмер итер инем», – тигән. "Ир менән мөғәләмә итеү серҙәре"нән