| КӨКТЕШКИДЕН ҮЗҮНДҮЛЕР |
| КӨКТЕШКИДЕН ҮЗҮНДҮЛЕР | 💥Чүнү оштап турарыл? 📢Кижилер үе-дүптен бээр дүжүн сайгарып, ол «чүнү чугаалап азы оштап, сагындырып турарыл» дээрзин тодарадып, билип алыксап чоруур. Ынчангаш аңаа хамааржыр тодарадыглар база бар болбайн аан. Ону кижи бүрүзү бодунуу-биле хүлээп көрүп, билип чоруур. Дүш-биле холбашкан мындыг билиишкиннер база бар. Ону хүлээп көөрү кижи бүрүзүнүң туружундан, сонуургалындан хамааржыр, ынчалза-даа анаа чоп сонуургап болбас деп. Дүш бүрүзү амыдыралга боттанмас-ла болгай… Субботаже дүне дүжеттинген дүш онза, чугула кылдыр санаттынар дээр. Үш удаа чедир катаптаттынган дүшче онза кичээнгейни углаар. Хүндүс көрген дүштү кичээнгейге албайн барып болур, ажырбас, колдуунда-ла боттанмас дижир. Дүнеки дүшке бодаарга, даң адып чорда дүжеттинген дүш уткалыг дээр. Багай дүш көрген болза, ону агып чыдар сугга (арык, хем, кран-даа суу дижик) чуп бадыра бээр боор дээн изиг күзел-биле чугаалаар. Коргунчуг дүштү хүн үнгүжеге чедир бажың улузунга чугаалавас. Дүн кайнаар баар ийик, дүш база ооң-биле ырай бээрин чугааланып, бодап алыр. Дүжүңде бир-ле кижи силерни оттуруп, кыйгырып турар болза, харыы бербес ужурлуг силер, соңга бакылавас. Дүш кижиниң аажы-чаңындан база хамааржыр дээрзин уттуп болбас. Хүннүң болуушкуннары база дүшке салдарлыг. Коргунчуг дүштерниң чылдагааны – кижиниң нерв-психиктиг байдалы, ижин-хырынының байдалы, ышкам, агаарлаттынмаан өрээл база бооп болур. “Шын” №34 2026 чылдың сентябрь 3 Чурукту ГигаЧатка чураан.