💥Хөктүг болуушкуннар
💥Хөктүг болуушкуннар 📢Чем кылыр өрээлде ийи кыс чугаалажып олурар: – Шуут, канчаптар аайын тыппас-тыр мен, эш. Бажыңымда тараканнар көвүдээн. Кайда-даа халчып турар аан… – Канчаптар кижи боор сен, эш! Тускай ак чугайлар бар, садып алзыңза!? – А чүл, дузалаар-дыр бе? – Ынчанмайн! Көрзүңзе, дуу азыгда ол чугайларны туткулап алган, шимээн-даа чок чуруттунуп олурар… *** Шала кежээ, имиртиңнеп чорда, бир херээжен кижи сесерлик ишти-биле чанып бар чораан. Хенертен-не артында бир кижи алгырган: – Тур! Херээжен кижи корга бергеш, доктаай берген. – Чыт! Херээжен кижи чыдып алган. – Ам бээр сояста! Херээжен кижи баш көдүрер-даа харык чок, соястап-ла каан. Удаваанда ол-ла үн мырыңай чанында дыңналган: – Чүңер канчап барды, угбай? Эмчи херек бе? Бо ыдым өөредип тургаш, канчангаш-ла көрүптеримге, силер союп бар чыттыңар… / Начын МОҢГУШ. *** Кудумчу автобузунга бир кырган-авай саат дайнап чоруур оолче кончуг кичээнгейлиг кайгап-ла чораан. Элээн болганда, оолга чугаалап-тыр: – Меңээ хей-ле ынча хөй чүве чугаалап чоруур сен, оглум. Дөмей-ле дүлей кижи-дир мен ийин, дыңнавас. *** Суд черинден болчукчу үнүп келгеш, чанынга турган Романче көргеш: – Чоп кончуг муңгаргай сен, хостап кагдым ышкажыл? – Бажыңымны бир чыл арендага берипкен кижи-дир мен ийин. “Шын” №34 2026 чылдың сентябрь 3