💥Хоочуннарга спорт болгаш күш-культура
💥Хоочуннарга спорт болгаш күш-культура 📢Тускай шериг операциязының хоочуннарын спорт болгаш күш-культураже хаара тудары – «Ада-чурт камгалакчылары» күрүне фондузунуң ажылының чугула угланыышкыны. Аар кемдээшкин алган дайынчыларның тайбың болгаш кадык амыдыралче катап эглип келиринге спорт дузалаар. «Ада-чурт камгалакчылары» фондунуң Тыва Республикада салбыры регионнуң Спорт яамызының база Тываның Чазааның деткимчези-биле ТШО-нуң кадыының байдалы кызыгаарлыг хоочуннарының аразынга спортчу маргылдааларны удаа-дараа организастап турар. Ооң ачызында республикада адаптивтиг спорт идепкейлиг хөгжүп эгелээн. Оон аңгыда Бүгү-россияның кадыы кызыгаарлыг хамаатылар ниитилелиниң кежигүннериниң киржилгези-биле база спортчу хемчеглерни эрттирип турар. Эң улуг спортчу хемчег – «Ада-чурт камгалакчыларының кубогу» деп бүгү Россия чергелиг комплекстиг хемчегниң регионалдыг чадазы болган. 2024 чылдың июльда Тывага Дайынчы хоочуннар хүнүнге тураскааткан кубоктуң бирги ээлчеглиг оюну болуп эрткен. Тываның 11 кожуунундан киржикчилер келген. https://vk.com/wall-201111625_62864