💥Пенсионерге үндүрүг санаашкыны
💥Пенсионерге үндүрүг санаашкыны 📢Кандыг таварылгада пенсионер үндүрүг санаашкынын (налоговый вычет) ап болурул? Ажылдап турар пенсионерлерге, чоокта чаа ажылдавайн барган азы бажыңын арендага дужаап турар дээш үндүрүг төлеп турар пенсионерге ындыг арга көрдүнген дээрзин КүрДуманың экономиктиг политика талазы-биле комитединиң даргазының оралакчызы Алексей Говырин дыңнаткан. Пенсионер кижи чурттаар оран-сава садып алганда, эмнээшкин алгаш азы өөредилге өртээ төлээни дээш, үндүрүг санаашкынын ап болур. Чурттаар оран-сава садып алганда, чарыгдалының 2 сая рубль чедир акшазын эгидип бээри көрдүнген. Ипотека кредиттериниң талазы-биле 2014 чылдан тура чаңгыс объект дээш банкыга төлээн хууларындан 3 сая рубль чедир көрдүнген. Анаа эмнээшкин эрткен база өөредилге азы спорт дээш төлээн акшазының каттыштыр бир чылда чарыгдалының 150 муң рубль чедир үндүрүүн эгидери көрдүнген. «Ол дээрге эгидер кылдыр көрдүнген чарыгдалдарының ниити түңү-дүр» — деп, А. Го- вырин дыңнаткан. Ооң чугаазы-биле алырга, пенсионер кижи хайгааралга алган (опека) уйнуунуң өөредилгези дээш үндүрүүн эгидип ап болур. Чер үндүрүү дээш пенсионерге чаңгыс участоктуң алды сотогунуң үндүрүг санаашкынын алыр ужурлуг. Чижээ, он сотоктуң ээзинге дөрт сотоктуң үндүрүүн бээр дээрзин депутат тайылбырлаан. Төнүп турар чылдың үндүрүүн эгидип алырда, үндүрүг албанының хуу кабинединге 3-НДФЛ декларациязын дужаар херек. «Эмнээшкин эртип турган азы өөредилгени төлеп турган болза, справкалары азы эмчиниң айтыышкыны болгаш чектери, чурттаар чер болза – керээзи, ипотека болза – банкыдан хуулар дугайында справказы херек. Бир эвес кабинединде үндүрүг санаашкыны дугайында билдиришкини бар болза, хынааш, адын салыр» — деп, А. Говырин демдеглээн. 📢Уруглар төлевирлерин үезинде алыр Чоннуң чаңгыс деминиң хүнү дээш уруглар пособиезиниң төлевири өскерилбес ужурлуг. Өг-бүлелерниң хөй кезии черле алыр хүнүнде төлевирлерни алыр дээрзин Социал фонд дыңнаткан. Ноябрь айда байырлал хүнүнде уруглар пособиелериниң төлевириниң чаңчылчаан графиги өскерилбес деп Россияның Социал фондузу дыңнаткан. Ноябрь 3-те ада-иелерге октябрь айның дараазында төлевирлери шилчип кээр: 17 хар четпээн уругларның болгаш сааттыг херээженнерниң чаңгыс аай пособиези база ажылдавайн турар ада-иелерниң бир хар чартыкка чедир уруун азырап олурар дээш, ай санында алыр пособиези, кыйгыртыышкын-биле чораан шериг албанныгларның чаш төлүнге ай санында алыр пособиези. Ол ышкаш 3 хар чедир уругларынга Ие капиталындан ай санында төлевир ап турар өг-бүлелер акшазын ноябрь айда ол-ла график ёзугаар 5-тиң хүнүнде, байырлал соонда, бир дугаар ажыл хүнүнде, шилчидер деп фонд дыңнадып турар. 📢Банк ажылдакчылары кажан-даа долгавас Россияннарга танывас абонент дугаарларынче удур долгавазын база банк ажылдакчылары мессенжерлер таварыштыр кажан-даа кижилерже долгавас дээрзин сактып алырын эрге-хоойлу ажылдакчылары сагындырып турар. Бузурукчулардан боттары камгаланыр дээн хамаатылар чүгле сан-чурагайның баазалыг дүрүмнерин сагыыр болза эки. Бирээде, танывазы абонент дугаарларынга харыылавас болгаш удур долгавас деп ИХЯ дыңнадып турар. Ол ышкаш банк, эрге-хоойлу ажылдакчылары, харылзаа операторлары, айыыл чок чорук албаннары хамаатылар-биле чугаалажырда, интернет-мессенджерлер ажыглавас деп сагындырып турар. Бузурукчуларның кажар аргазынче кирбези-биле, танывас дугаарларны дилээшкин системазынга хынап алыр ужурлуг. А. СОЯН белеткээн. Медээлерни болгаш чуруктарны ТАСС-тан алган. «Шын» №41 2026 чылдың октябрь 22