Аллаһыга шөкер кылам - исәнлек биргәненә, — 24 сентября 2026 г. в 04:30:02.559
Аллаһыга шөкер кылам - исәнлек биргәненә, Аякларым йөргәненә, күзләрем күргәненә. Аллаһыга шөкер кылам - биргән нигьмәтләренә Аятьләрне ятлар өчен зиһеннәр биргәненә. Аллаһыга шөкер кылам - якты көн биргәненә, Күктән яңгырлар яудырып иген үстергәненә. Аллаһыга шөкер кылам - караңгы төннәренә Намазларны укыр өчен ярдәмен биргәненә. Аллаһыга шөкер кылам - ураза биргәненә, Бәндәләрнең гонаһларын ярлыкыйм дигәненә. Аллаһыга шөкер кылам - ак карлы кышларына Җәйге матур, ал таңнарда сайраган кошларына. Аллаһыга шөкер кылам - сабырлык биргәненә, Сабырлыкның савапларын бирермен дигәненә: Аллаһыга шөкер кылам-иманга кайтканыма, Намаз укып, Коръән укып тынычлык биргәненә! Айдар Багитов
5 790 просмотров