Ил Түмэӈӈэ "Биир ньыгыл Россия" партия кандидата Николай Долгунов салгыы Ороһу нэһилиэг...
Ил Түмэӈӈэ "Биир ньыгыл Россия" партия кандидата Николай Долгунов салгыы Ороһу нэһилиэгин олохтоохторун кытта көрүстэ. Ороһу нэһилиэгэ быйыл 125 сыллаах үбүлүөйүн бэлиэтиир. Ороһу нэһилиэгэ Саха Сирин биир ураты тыыннаах нэһилиэгэ буолар. Ол курдук, Ороһуга Саха Өрөспүүбүлүкэтин Үтүөлээх учуутала, өр сылларга Ороһу орто оскуолатыгар директорынан үлэлээбит энтузиаст учуутал Константин Спиридонович Чиряев 1980 сыллаахха олохтообут түмэлэ бүтүн Россия үрдүнэн соҕотох норуот педагогикатыгар анаммыт түмэл буоларын Николай Николаевич бэлиэтээтэ. Норуот педагогиката диэни чинчийэр хайысханы Константин Чиряев саҕалаабыт үтүөтүгэр, Үөһээ Бүлүү улууһугар эрэ буолбакка бүтүн Саха Сиригэр саха омугун оҕону, кэлэр көлүөнэни иитиигэ мындыра, үгэстэрэ, фольклора, култуурата харыстанан, сурукка-бичиккэ тиһиллэн, үөрэтиллэн хаалбыта. Бу дириӈ ис хоһоонноох, ураты суолталаах түмэлгэ элбэх болҕомто ууруллуохтааҕын Николай Николаевич санаатын үллэһиннэ. Маны таһынан, ороһу олохтоохторун ордук долгутар кыһалҕа - оскуола-уһуйааны тутуу элбэхтэ туруорулунна. Маныаха билигин оскуола тутуута төһө да үп-харчы кыһалҕата баарын үрдүнэн, тутуу тэтимэ төһө да бытаардар, оскуоланы тутан үлэҕэ киллэрэр улуус биир сүрүн сыала-соруга буолар. Николай Николаевич билигин Саха Өрөспүүбүлүкэтин үп министиэристибэтин кытта оскуола холлоҕоһун түмүктүүр үлэни - сарайы бүрүйүүнү үбүлээһиӈӈэ улуус дьаһалтатын кытта бииргэ үлэлэһэ сылдьарын иһитиннэрдэ. Олохтоохтор кандитат ураты толкуйдаах тылын-өһүн, инники былаанын сэргээн, сонурҕаан иһиттилэр. Николай Николаевич олохтоохторго үп-харчы эргиэнин судургу тылынан сырдатан, быһааран биэрбитин көрсүһүүгэ кэлбит дьон олус сэҥээрдилэр. Ороһу нэһилиэгэр көрсүһүүгэ кэлбиккитигэр махталбын тиэрдэбин! #ЕдинаяРоссия #ҮөһээБүлүү #НиколайДолгуной #ЕР14 max.ru/channel_VNikolaev