Ил Түмэӈӈэ "Биир ньыгыл Россия" партия кандидата Николай Николаевич Долгунов Тамалакаан...
Ил Түмэӈӈэ "Биир ньыгыл Россия" партия кандидата Николай Николаевич Долгунов Тамалакаан нэһилиэгин олохтоохторун кытта көрүстэ. Николай Николаевич бэйэтэ Үөһээ Бүлүү улууһун күүстээх физмат оскуолатын биир чаҕылхай выпускнига буолар. Оҕо эрдэҕиттэн үөрэҕи өрө тутан, элбэх физика уонна математика олимпиадаларыгар кыттан, кыайан Москва курдук улахан куоратка, дойдубут биир бастыӈ экономикаҕа үрдүк үөрэҕэр үөрэнэн билигин Сахабыт Сирин улахан баанын салайан олорор күүстээх салайааччы буолар. Кини оскуола таһыма, үөрэх ситимэ хайдах сайдарыттан оҕо инники дьылаҕата тутулуктааҕын бу көрсүһүүгэ чуолаан эттэ. Кэлиӈӈи кэмнэргэ Үөһээ Бүлүү улууһун үөрэҕин ситимин таһыма биллэ намтаабытыттан долгуйарын уонна бу кыһалҕаны быһаарарга сөптөөх үлэни ыытар ирдэнэрин этиннэ. Маныаха "Биир ньыгыл Россия" партия үөрэҕэрии сайдыытыгар улахан болҕомтону уурарын уонна киэн далааһыннаах үлэни ыытарын бэлиэтээтэ. Ол курдук, былырыын Далыр нэһилиэгин оскуолатын хапытаалынай өрөмүөнэ "Биир ньыгыл Россия" партия норуот бырагыраамматын көмөтүнэн оӈоһуллан, саӈардыллыбыт оскуола үлэтин саҕалаабыта. "Үөһээ Бүлүү улууһа үс норуот учууталлаах, үөрэҕи өрө туппут, бүтүн өрөспүүбүлүкэ бастыӈнарын иитэн таһаарбыт, үөрэх-билии биһигэ буоларын умнуо суохтаах. Улууспут инникитэ, кэскилэ, оскуола биэрэр билиититтэн тутулуктаах. Үөрэхтээх киһи - табыгастаах, табыгастаах киһи - баай эйгэлээх!" - диэн Николай Николаевич чуолаан эттэ. Маны таһынан кэпсэтиигэ тыа сирин сайыннарыыны, тыа хаһаайыстыбатын экономикатын көрүнүү, үбүн сөпкө туттуу туһунан санааларын, былааннарын үллэһиннэ. Тамалакаан олохтоохторо Николай Николаевич Долгунов үлэтин былаанын сыаналаатылар, инникигэ эрэллээх, кэскиллээх кандитат буоларын сэҥээрдилэр. Тыа хаһаайыстыбата сайдарыгар саҥа тэриллэр, эдэр ыччаты ыҥырарга сөптөөх үөрэхтэр ирдэнэллэрин туһунан этиннилэр. Тамалаакан олохтоохторугар көрсүһүүгэ кэлэн кыттыбыттарын иһин барҕа махтал! #ҮөһээБүлүү #НиколайДолгунов #ЕдинаяРоссия #ЕР14 max.ru/channel_VNikolaev