Саха Өрөспүүбүлүкэтин Ил Түмэнигэр Үөһээ Бүлүү уонна Горнай улуустарыттан депутатка "Би...
Саха Өрөспүүбүлүкэтин Ил Түмэнигэр Үөһээ Бүлүү уонна Горнай улуустарыттан депутатка "Биир ньыгыл Россия" партияттан кандидат, биир дойдулаахпыт, Николай Николаевич Долгунов Үөһээ Бүлүү улууһун олохтоохторун кытта көрсүһүүтүн Харбалаах нэһилиэгиттэн саҕалаата. Быйыл балаҕан ыйын 18-20 күннэригэр ыытыллар быыбарга Үөһээ Бүлүү улууһун олохтоохторугар эппиэтинэстээх быыбар күүтэр. Ол курдук, Российскай Федерация Судаарыстыбаннай Думатыгар депутаттары уонна Саха Сирин Ил Түмэнигэр депутаты талыахпыт. "Биир ньыгыл Россия" партияттан биир мандаттаах округтан Анал байыаннай дьайыы бэтэрээнэ, эдэр эрчимнээх, кэскиллээх кандидат Петр Шамаев уонна партия списогынан Галина Данчикова тураллар. Ил Түмэӈӈэ Үөһээ Бүлүү уонна Горнай улуустарын интириэһин көмүскүүр депутат мандатыгар "Биир ньыгыл Россия" партияттан бэйэбит уолбут Николай Долгунов турар. Николай Николаевич Долгунов бу күннэргэ Үөһээ Бүлүү улууһугар олохтоохтору кытта көрсүһэ, кэпсэтэ, быыбар иннинээҕи бырагыраамматын сырдата, үлэлии кэллэ. Бүгүн Харбалаах нэһилиэгин олохтоохторун кытта көрсүһүүгэ үөрэҕирии эйгэтин сайыннаран эдэр исписэлиистэри, учууталлары ыҥырар наадалааҕын, тыа хаһаайыстыбатыгар үүт-эт эрэ буолбакка, аныгылыы, саҥалыы бородууксуйа элбиирин туһугар үлэлэһэр тоҕоостооҕун бэлиэтээтэ. Көрсүһүүгэ кэлбит олохтоохтор Харбалаах оскуолата тутуллуутугар уонна сахабыт тылын предметин чааһа аҕыйаҕа төрөөбүт тылбытын сүтэрэр кыһалҕата баарын этиннилэр. Көрсүһүү түмүгэр Харбалаах олохтоохторо Николай Николаевич олус чопчу сыаллаах-соруктаах кандитакка туруммутун биһирээтилэр. Харбалаах нэһилиэгэр бириэмэ анаан көрсүһүүгэ кэлбиттэригэр барҕа махтал! #ҮөһээБүлүү #ЕдинаяРоссия #НиколайДолгунов #ПетрШамаев #ГалинаДанчикова #ЕР14 max.ru/channel_VNikolaev