Саха сирин Ил Дарханын Айсен Николаев сорудаҕынан тэриллибит отчуттары уматыгынан хаачч...
Саха сирин Ил Дарханын Айсен Николаев сорудаҕынан тэриллибит отчуттары уматыгынан хааччыйыы оперативнай штабын үлэтин түмүгэр, бүгүн от ыйын 9 күнүгэр, Үөһээ Бүлүү улууһугар бу ыйга туттарга анаан 40 тонна ГСМ көрүлүннэ. 40 тонна уматыгы Үөһээ Бүлүү улууһугар биэриини СӨ Тыа хаһаайыстыбатын министиэристибэтэ уонна Гражданскай оборона министиэристибэтэ отчуттары уматыгынан хааччыйыыга анаммыт оперштаб үлэтин чэрчитинэн бигэргэттилэр. Уматыгы «Саханефтегазсбыт» АУо хааччыйыаҕа. Саха Өрөспүүбүлүкэтин Ил Дархана Айсен Сергеевич Николаев эппиэтинэстээх тэрилтэлэргэ, бары улуустарга биир кэлим үлэ бэрээдэгин хааччыйарга уонна АЗС-тарга тиэрдэргэ сорудахтаабыта. Онон, бу сорудаҕы толорон, уматыгы дьоҥҥо тиэрдии чопчу бэрээдэктээхтик ыытыллыаҕа. Үөһээ Бүлүү улууһугар нэһилиэктэринэн уматык үллэриитэ: • Дүллүкү - 3 200 л • Далыр - 3 200 л • Нам - 3 200 л • Ороһу - 3 200 л • Ботулуу - 3 200 л • Хомустаах - 2 000 л • Үөһээ Бүлүү - 2 000 л • Үөдүгэй - 2 000 л • Кэнтик - 2 000 л • Өргүөт - 2 000 л • Быракаан - 2 000 л • Харбалаах - 2 000 л • Мэйик - 2 000 л • Балаҕаннаах - 2 000 л • Оҥхой - 2 000 л • Тамалакаан - 2 000 л • Хоро - 2 000 л Маны тэӈэ, Туобуйа, Маҥаас, Кырыкый, Сургуулук нэһилиэктэрэ ГСМ-нан эрдэ тарированнай көрүҥүнэн хааччыллыбыттара. Тыа хаһаайыстыбатын бородууктатын оҥорооччуларга ГСМ бигэргэтиллибит кээмэйинэн эрэ бэриллиэҕэ. 📌 Улууска уматыгы (ГСМ) үллэрии ньымата (№293-пр бирикээс быһыытынан) Тус урбаанньыттарга (ИП), тэриллиилээх хаһаайыстыбаларга (КФХ) уонна кэтэх хаһаайыстыбаларга (ЛПХ) уматык кээмэйэ нэһилиэк баһылыгын тус дьаһалынан бигэргэтиллэн тустаахтарга бэриллиэҕэ. ⚠️ Ытыктабыллаах нэһилиэк баһылыктара! Эһиги эппиэтинэстээххит: • Уматыгы үллэрии туһунан бирикээстэр тохтоло суох тахсалларыгар; • Бары реквизиттэр, АЗС-тар уонна кээмэйдэр чопчу ыйыллыбыт буолалларыгар; • Информация кэмигэр хас биирдии хаһаайыстыбаҕа тириэрдиллиитигэр. Өрөспүүбүлүкэ Ил Дархана Айсен Сергеевич сорук туруорбута – бары улуустарга биир кэлим бэрээдэги хааччыйыаҕа. #СельскоеХозяйство #Сенокос #ГСМ