ЫТЫКТАБЫЛЛААХ ҮӨҺЭЭ БҮЛҮҮ УЛУУҺУН ОЛОХТООХТОРО!
ЫТЫКТАБЫЛЛААХ ҮӨҺЭЭ БҮЛҮҮ УЛУУҺУН ОЛОХТООХТОРО! Үөһээ Бүлүү улууһун дьаһалтатын уонна тус бэйэм ааппыттан эһигини Ньукуолун күнүнэн уонна Сайылык күнүнэн ис сүрэхтэн эҕэрдэлиибит! Сайылык күнүн 2018 сыл алтынньы 6 күнүгэр СӨ Ил Дархана Айсен Сергеевич Николаев бэйэтин Ыйааҕынан олохтообута. Унньуктаах уһун кыһыны этэҥҥэ туораан, күөххэ үктэнии, сайылыкка көһүү – саха дьонун олоҕор дириҥ суолталаах, өр күүтүүлээх, үөрүүлээх түгэн. Мантан инньэ сырдыкка эрэл улаатар, биир күн бүтүн дьылы аһатар эппиэттээх кэмнэрэ үүнэллэр. Айылҕаҕа саҥа тыын киирэр, үүнүү-үөскээһин эргиирэ салҕанар. Биһиги бу күҥҥэ ыраас санаанан, үтүө оҥоһуунан кэлэр кэскилбитин түстүүбүт, айылҕа анаабыт бэлэҕэр махтанабыт. Бу кэрэ кэрэхсэбиллээх күн Үөһээ Бүлүү улууһун хас биирдии ыалыгар дьолу-соргуну, эйэни, чэгиэн доруобуйаны, үлэҕитигэр ситиһиилэри уонна уйгулаах оллҕу баҕарабын! Ыраас халлаан, үтүө дьыл үүннүн! Ытыктабылы кытта, Үөһээ Бүлүү улууһун баһылыга В.В. Николаев #СайылыкКүнэ #Ньукуолун #Сайын