Бүгүн, ыам ыйын 20 күнүгэр, Дьокуускай куоракка "Сахамедиа" медиа-кииӈӈэ Саха Сирин сай...
Бүгүн, ыам ыйын 20 күнүгэр, Дьокуускай куоракка "Сахамедиа" медиа-кииӈӈэ Саха Сирин сайдыытыгар сүҥкэн кылааты киллэрбит, биллиилээх судаарыстыбаннай диэйэтэл, Үөһээ Бүлүү улууһун Туобуйа нэһилиэгиттэн төрүттээх, холкуос биригэдьиириттэн саҕалаан Саха АССР миниистирдэрин Сэбиэтин бастакы солбуйааччытыгар тиийэ үүммүт Платонов Степан Николаевич төрөөбүтэ 100 сылыгар анаммыт төгүрүк остуолга кыттыыны ыллым. Төгүрүк остуолга СӨ култуура миниистирин бастакы солюуйааччыта Мария Васильевна Турантаева, С.Н. Платонов кыыһа Елизавета Степановна Платонова, кийиитэ Платонова Галина Павловна уонна сиэннэрэ, Нам улууһун баһылыгын социальнай боппуруостарга солбуйааччы Протопопов Егор Андреевич, Саха сирин уопсастыбаннаһын биллэр бэрэстэбиитэллэрэ, историктар, уус-уран айымньы үлэһиттэрэ, кинини кытта бииргэ үлэлээбит, алтыспыт ытык кырдьаҕастарбыт көхтөөхтүк кытыннылар. Төгүрүк остуол сүрүн сыалынан-соругунан - быйыл балаҕан ыйын 13 күнүгэр С.Н. Платонов төрөөбүтэ 100 сылын туоларынан сибээстээн тэриллиэхтээх СӨ Бырабыытыбалыстыбатын комиссиятыгар киллэрэр соруктаах, Арассыыйа араас общественнай тэрилтэлэриттэн, биирдиилээн дьонтон Степан Николаевич Платонов үтүө аатын үйэтитиигэ саҥа, кэскиллээх этиилэри хомуйуу буолар. Ол курдук, кини олоҕун уонна үлэтин кэпсиир кинигэлэри, документальнай киинэни таһаарарга, үөрэх тэрилтэлэригэр аатын иҥэрэргэ, киниэхэ аналлаах мемориальнай дуосканы оҥорорго, олоҕун уонна үлэтин чинчийиигэ аналлаах научнай тэрээһиннэри ыытарга этиилэр киирдилэр. Бу хомуллубут этиилэр барыта СӨ Бырабыытылыстыбатын тэрийэр бөлөҕөр тиһиллэн киириэҕэ уонна С.Н. Платонов курдук уһулуччулаах биир дойдулаахпыт аатын үйэтитиигэ туһуланар үлэҕэ олук буолуохтара. #СтепанПлатонов100сыла