Бүгүн, ыам ыйын 16 күнүгэр, Харбин куоракка ыытыллар Х-с Россия уонна Китай Экспотун чэ...
Бүгүн, ыам ыйын 16 күнүгэр, Харбин куоракка ыытыллар Х-с Россия уонна Китай Экспотун чэрчитинэн, Үөһээ Бүлүү улууһа уонна Китай Хэйлунцзян провинциятын Тунцзян куората бииргэ үлэлэһэр туһунан Сөбүлэӈи түһэристибит. Сөбүлэӈи түһэрсии мунньаҕар Тунцзян куоратын баһылыга Чжан Давэй уонна Тунцзян куорат дьаһалтатын бэрэстэбиитэллэрэ: баһылык солбуйааччыта Ван Либин, тас дойдуну кытта үлэлэһии канцеляриятын салайааччыта Юе Цайюнь, атыы-эргиэн салалтатын салайааччыта Пан Юньтао, култуура, спорт уонна туризм салалтатын салайааччыта Чжан Чжимэй кыттыыны ыллылар. Тунцзян уонна Үөһээ Бүлүү улууһа 2012 сыллаахтан үлэлэспит Сөбүлэӈмитин саӈардан, кэҥэтэн, инникигэ кэскиллээх соруктары туруоран түһэристибит. Бу Сөбүлэӈ Үөһээ Бүлүү улууһун үлэтин тас дойдуга кэҥэтиигэ, култуура, экономика уонна социальнай эйгэлэргэ саҥа кыахтары арыйыыга улахан хардыы буолар. Тунцзян куоратын салалтатын кытта биир кэлим үлэбит улууспут сайдыытыгар саҥа ситиһиилэри аҕалыа диэн эрэллээхпит! #Тунцзян #Китай #Якутия #Верхневилюйск