Улуу Кыайыы күнүн биир саамай сүрэҕи таарыйар уонна өйгө хатанар түгэнигэр – "Өлбөт үйэ...
Улуу Кыайыы күнүн биир саамай сүрэҕи таарыйар уонна өйгө хатанар түгэнигэр – "Өлбөт үйэлээх полк" бүтүн Россиятааҕы акциятыгар кыттыыны ыллым. Бу акцияҕа биһиги чугас дьоммут, Аҕа дойду Улуу сэриитин кыргыһыыларыгар кыттыбыт буойуттарбыт уонна тыылга үлэлээбит бэтэрээннэрбит, сэрии тулаайахтарын – Улуу Кыайыыны уһансыбыт көмүс көлүөнэбит хас биирдии киһитин сырдык мөссүөнүн күөрэччи тутан сэлэлии хаамабыт. Кинилэр умнуллубат ааттарын кэриэстээн, хорсун быһыыларын кэлэр көлүөнэҕэ тиэрдэн, уҕараабат махталбытын биллэрэбит. Бу акция – биһиги хаһан да умнубат ытык иэспит бэлиэтэ. Хас биирдии хаартыска кэннигэр биирдиилээн киһи дьылҕата, хорсун санаата, Аҕа дойдутугар бэриниитэ сытар. Кинилэр биһиэхэ эйэлээх халлааны бэлэхтээбиттэрэ. Ону өрүү өйдүөхтээхпит, ытыктыахтаахпыт. Биһиги улууспут олохтоохторо "Өлбөт үйэлээх полк" акцияҕа көхтөөхтүк кыттыылара – биһиги дьиҥнээх сомоҕолоһуубут, биир санаалаах буолуубут үтүө көстүүтэ. Махтанабын хас биирдии кыттыылаахха, Аҕа дойду дьоруойдарын ааттарын үйэтиппитин иһин! Өлбөт-сүппэт албан аат кинилэргэ! Барыгытыгар эйэлээх олоҕу, чөл доруобуйаны, дьолу-соргуну баҕарабыт! Ким да умнуллубат! Туох да умнуллубат! #Өлбөтүйэлээхполк #Кыайыыкүнэ #ҮөһээБүлүү #БессмертныйПолк T.me/ValeriNikolaev