«Үөһээ Бүлүү улууһа (оройуона)» муниципальнай оройуон дьаһалтатын аатыттан уонна тус бэ...
«Үөһээ Бүлүү улууһа (оройуона)» муниципальнай оройуон дьаһалтатын аатыттан уонна тус бэйэм ааппыттан анал байыаннай дьайыы кыттыылаахтарын Михаил Аны уонна Эрсан Андреевы бүгүн Ил Дархан Айсен Сергеевич Николаев илиититтэн «Саха Сирэ - Дьоруойдар дойдулара» каадыр бырагыраамматын ситиһиилээхтик ааспыттарын туһунан туоһу суруктары туппуттарынан итиитик-истиҥник эҕэрдэлиибин! «Саха Сирэ - Дьоруойдар дойдулара» — Саха Өрөспүүбүлүкэтин Ил Дарханын сорудаҕынан тэриллибит каадыр бырагыраамата. Кини сүрүн сыала — байыаннай дьайыы кыттыылаахтарын эйэлээх олоххо уонна үлэҕэ социальнай адаптацияны ааһалларыгар, идэни ылыыларыгар көмөлөһүү буолар. Байыаннайдар идэлэрин үрдэтэн, араас таһымнаах салайааччы буолар каадыр резерватыгар киириэхтэрэ. Биһиги биир дойдулаахпыт Андреев Эрсан Акимович билигин Дьокуускай куоракка 30 тыһыынча нэһилиэнньэлээх Марха микрорайонугар баһылыктыыр анал байыаннай дьайыы бэтэрээнэ Каадыр бырагыраамматыгар «Снижение текучести кадров в территориальных органов управления г. Якутска путем использования цифровых продуктов Для адаптации и ускорения входа в должность, портала знаний и системы цифрового наставничества» диэн бырайыагы туйгун сыанаҕа көмүскээтэ. Кинини биир дойдулаахтарбыт Үөһээ Бүлүү улууһун былааҕын аан бастакынан уонна күн бүгүҥҥэ диэри соҕотох Европа саамай үрдүк чыпчаалыгар, Эльбрус хайатыгар, өрө күөрэппитин билэллэр. Эрсаны кытта тэҥҥэ анал байыаннай дьайыы кыттыылааҕа Үөһээ Бүлүүтээҕи көрдүүр-быыһыыр этэрээт салайааччыта Михаил Ан каадыр бырагыраамматын «Применение новых подходов при проведении поисково-спасательных работ в ГБУ РС(Я) «Служба спасения РС(Я)» диэн бырайыагын туйгуннук көмүскээтэ. Бу бырайыагын чэрчитинэн, Үөһээ Бүлүү - Туобуйа кыһыӈӈы суолугар 3 каналлаах «Зимовье» диэн радиостанция туруоруллубута. Бу рация ыксаллаах түгэҥҥэ айанньыттар сибээскэ тахсалларыгар олус улахан көмө буолар. Михаил Васильевиһы уонна Эрсан Акимовиһы «Саха Сирэ - Дьоруойдар дойдулара» бырагыраамманы ситиһиилээхтик түмүктээбиккитинэн өссө төгүл итиитик-истиҥник эҕэрдэлиибин. Инники үлэҕитигэр өссө үрдүк ситиһиилэри, чэгиэн доруобуйаны уонна эйэлээх олоҕу баҕарабын! Россия Президена Владимир Владимирович Путин эппитинии, эһиги саҥа кэм элитата буоларгытын хаһан да умнумаҥ. Дойдубут инники кэскилэ, сайдыыта эһигиттэн тутулуктаах. Бу бырагыраамманы көҕүлээн тэрийбит Ил Дархаммытыгар Айсен Сергеевич Николаевка улуус бары олохтоохторун аатыттан уонна тус бэйэм ааппыттан барҕа махталбын тиэрдэбин! #ЯкутияЗемляГероев #СВО #КадроваяПрограмма