Улуу Кыайыы 81 сылын көрсө – тыыл бэтэрээннэригэр сүгүрүйүү!
Улуу Кыайыы 81 сылын көрсө – тыыл бэтэрээннэригэр сүгүрүйүү! Бүгүн, ыам ыйын 8 күнүгэр, Улуу Кыайыы 81 сылын көрсө, Үөһээ Бүлүү улууһун дьаһалтатын баһылыгын солбуйааччылара улууспут ытык дьонугар – тыыл бэтэрээннэригэр – эҕэрдэлэрин тиэртилэр. Бу дьоһуннаах тэрээһин биһиги бэтэрээннэрбит Аҕа дойду Улуу сэриитин сылларыгар көрдөрбүт хорсун үлэлэрин уонна дойду иннигэр бэриниилэрин үйэтитэр сыаллаах ыытылынна. Улуус баһылыгын экономикаҕа уонна үпкэ солбуйааччы Марфа Викторовна Игнатьева уонна дьаһалта дьыалатын салайыыга солбуйааччы Игнат Владимирович Трофимов тыыл бэтэрээннэрин дьиэлэринэн сылдьан, кинилэр үйэлээх үлэлэригэр махталларын биллэрдилэр. Ол курдук, Игнат Владимирович Трофимов тыыл бэтэрээннэригэр Алексеева Елизавета Павловнаҕа уонна Сячикова Мария Егоровнаҕа ыалдьыттаата. Оттон Марфа Викторовна Игнатьева тыыл бэтэрээннэригэр Михайлова Анна Харлампьевнаҕа, Попова Мария Павловнаҕа уонна кини кэргэнигэр, сэрии сылларын оҕотугар Федоров Иннокентий Сергеевичка сырытта. Баһылык солбуйааччылара улуус баһылыгын аатыттан эҕэрдэ суруктары уонна Үөһээ Бүлүүтээҕи үүт аһы оҥорон таһаарар комбинаттан бэлэхтэри туттардылар. #УлууКыайыы #ҮөһээБүлүү T.me/admvervil