Бүгүн, ыам ыйын 8 күнүгэр, биһиги бары сүрэхпитэн Аҕа дойду Улуу сэриитин кэмигэр тыылг...
Бүгүн, ыам ыйын 8 күнүгэр, биһиги бары сүрэхпитэн Аҕа дойду Улуу сэриитин кэмигэр тыылга күүс-көмө буолбут, Кыайыыны уһансыбыт тыыл бэтэрээннэригэр уонна сэрии огдооболоругар барҕа махталбытын тиэрдэбит. Кинилэр хорсун үлэлэрэ уонна бэриниилээх буолуулара биһиги норуоппут хорсун быһыытын сүрүн холобура буолар. Үөһээ Бүлүү улууһугар, билигин да биһиги кэккэбитигэр, 22 тыыл бэтэрээнэ уонна 2 сэрии огдообото Улуу Кыайыы 81 сылын көрсөллөр. Кинилэр Аҕа Дойду Улуу сэриитин, Улуу кыайыы тыыннаах туоһулара буолаллар. Кинилэр олохторо уонна үлэлэрэ – биһиги норуоппут күүһүн, дьулуурун бэлиэтэ. Бүгүн Кыайыы Знамятын көтөҕүү сиэрин-туомун кэннэ, улуус депутаттарын Сэбиэтин бэрэсэдээтэлин Николай Николаевич Николаевы кытта бииргэ тыыл бэтэрээннэрин, биһиги ытык кырдьаҕастарбытын көрсөн кэллибит. 95 саастаах Ульяна Терентьевна Тимофееваҕа уонна 97 саастаах Дмитрий Николаевич Сибиряковка ыалдьыттаан, кинилэр хорсун быһыыларыгар, Аҕа дойду туһугар сүдү үлэлэригэр махталбытын тиэрдэн, эҕэрдэ тылбытын анаатыбыт. #9Мая #ДеньПобеды #КыайыыКүнэ T.me/ValeriNikolaev