Кешеләр җыелган җирдә Аллаһны искә алу бәрәкәт китерә. — 23 сентября 2026 г. в 06:15:18.179
Кешеләр җыелган җирдә Аллаһны искә алу бәрәкәт китерә. Мөхәммәд Пәйгамбәребез (саллаллаһу гәләйһи вә сәлләм) үзенең хәдисендә болай дигән: «Кайсы да булса бер җәмәгать үзләре җыелган мәҗлестән (җыеннан) Аллаһ Тәгәләне искә алмыйча таралса, алар үлгән ишәк гәүдәсе яныннан калкучылар кебек булырлар һәм бу җыен алар өчен үкенеч булыр» (Әбү Давыд риваяте). Ә Аллаһны искә алып сөйләшү мәҗлескә тынычлык алып килә. Бу хакта Пәйгәмбәребезнең икенче хәдисендә болай диелә: «Әгәр нинди дә булса кешеләр җыелып Аллаһны искә алсалар, аларны һичшиксез фәрештәләр чорнап алыр, аларны Аллаһның рәхмәте каплар, аларга күктән җан тынычлыгы (сәкинә) иңәр һәм Аллаһ аларны Үз янындагылар (югары дәрәҗәдәге фәрештәләр) алдында искә алыр» (Мөслим риваяте). Менә шуңа күрә безнең кичәге очрашуыбыз бик күңелле һәм тыныч узды, иманыбызны ныгытты. Җыеннарда Аллаһны искә алырга, Аңа зикер әйтергә онытмасак иде.