Кичәге теманы дәвам итеп Дәҗҗалның кем икәнлеге турында язам. — 30 сентября 2026 г. в 19:59:00.718
Кичәге теманы дәвам итеп Дәҗҗалның кем икәнлеге турында язам. Ислам динендә Кыямәт көне алдыннан җиргә киләчәк иң куркыныч ялганчы һәм зур сынау — Дәҗҗал (Антихрист). Ул кешеләрне туры юлдан яздыру өчен искиткеч зур куәткә ия булачак. Аның турында мөһим 5 факт: 1️⃣ Үзенчәлекле тышкы кыяфәт: Хәдисләр буенча, ул эре тәнле, бөдрә чәчле булыр. Иң төп билгесе — бер күзе сукыр (йөзем җиләге кебек) булыр, ә маңгаена һәрбер мөэмин күрә алырлык «кә-фә-ра» (кяфир/имансыз) дигән язу басылыр. 2️⃣ Ялган могҗизалар: Ул үзен Аллаһ дип игълан итәр. Җиргә боерып яңгыр яудырыр, үлгәннәрне терелткән кебек күрсәтер. Аның «җәннәте» чынлыкта җәһәннәм (ут), ә «җәһәннәме» — җәннәт булыр. 3️⃣ Ябык шәһәрләр: Дәҗҗал бөтен дөньяны гизеп чыгар, тик фәрештәләр саклаган ике изге шәһәргә — Мәккә һәм Мәдинәгә керә алмас. 4️⃣ Мәңгелек түгел: Аның идарәсе озакка бармас. Җиргә иңгән Гайсә пәйгамбәр (г. с.) аны Лүдд(Иерусалимда) капкасы янында куып җитә һәм һәлак итәр. Дәҗҗал аны күрүгә, суда тоз эрегән кебек эри башлар. 5️⃣ Сәхәбәләр пәйгамбәребездән (с. г. в.) аның җирдә күпме вакыт булачагын сорагач, ул:"кырык көн", - дип җавап биргән. Ләкин аның беренче көне-бер ел кебек, икенче көне - бер ай кебек, өченче көне - бер атна кебек, ә калган көннәре гади көннәр кебек булыр.