Кугыжаныш Думыш депутат-влакым сайлымаш ончыктен: Марий Элыште илыше-влаклан ялым вияҥ...
Кугыжаныш Думыш депутат-влакым сайлымаш ончыктен: Марий Элыште илыше-влаклан ялым вияҥдымаш ик эн тӱҥ теме лийын кодеш. Республикыште 30 утла процентше, 205 тӱжем еҥ, яллаште ила. Нуно йӧнан илышым , кызытсе жаплан келшыше инфраструктурым да сай паша условийым депутат-влак дене вашлиймаште веле огыл йодыт, ты йодмаш сайлыше-влакын наказыштыштат шокта. Пытартыш ийлаште республикыште кундемым тӱзатыме дене кылдалтше 229 проектым илышыш шыҥдарыме, 29 километр корным ыштыме, 3,3 тӱжем квадрат метр илыме верым чоҥымо. Паша умбакыже шуйна. Сайлымашын иктешлымашыже пеҥгыдемден: ялысе теме ик эн тӱҥ лийын кодеш. Тыште "Единый Россий" партийын «Россий села» проектше посна верым налеш. Шке шонымашыж дене Марий Эл Республикын Кугыжаныш Погынжын депутатше, «Россий села» проектын мер каҥашыжын председательже Сергей Ильин пайлалтын: "Мыланна, аграрий-влаклан, кугыжанышын ялозанлыклан кугу тӱткышым ойырымыжо моткоч шергакан. Ял кундемым икшырымын вияҥдыме комплексный йӧн деч посна ок лий. Тидлан корным,ФАП-ым, школым, йочасадым да специалист-влаклан илыме верым чоҥыман. Селаш самырык-влак илаш толышт манын, тудым илаш йӧнаным ыштыман».