Йошкар-Олаште эше кок модульный укрытийым вераҥдыме.
Йошкар-Олаште эше кок модульный укрытийым вераҥдыме. Модульный укрытийыште БПЛА атаке годым чара верыште лийше еҥ-влак шылын кертыт. Кӱртньӧ-бетон короб-влакым Ленин проспектысе Эшпай урем кундемыште шынденыт. Вераҥдыме пашам производитель компанийын представительже ден ола администрацийын пашаеҥже-влак виктарат. Экшык лекме годым поставщик тудым вигак тӧрлаш палемда. Укрытийым вераҥдыме деч вара Граждан обороно ден чрезвычайный ситуаций управленийын специалистше-влак бетон конструкцийын могай улмыжым да порядкым шуктымым тергат. Ынде Йошкар-Олаште тыгай объект кумыт уло. Тений ноябрь марте олан тӱрлӧ кундемыштыже 12 тыгай модульный укрытий лиеш. 📸Фотом Йошкар-Ола администрацийын воткыл лаштыкше гыч налме.
41 просмотров