Марий Эл Кугыжаныш Погынын депутатше-влак Кугыжаныш Думыш депутат-влакым сайлымаште йӱк...
Марий Эл Кугыжаныш Погынын депутатше-влак Кугыжаныш Думыш депутат-влакым сайлымаште йӱкленыт Кум кечаш йӱклымашын икымше кечынже Марий Эл Кугыжаныш Погынын депутатше-влак граждан порысыштым шуктеныт. Парламентарий-влак республикын тӱрлӧ районыштыжо сайлыме участкылашке толыныт, кӧ очно йӱклен, кӧ дистанционный формат дене пайдаланен. Депутат-влак палемденыт: сайлымаште участвоватлымаш-тиде формальность огыл, тудын дене регионын да элын ончыкылыкше кылдалтын. Нунын мутышт почеш, республикыште илыше кажне еҥ йӱклаш жапым да йӧным мушаш, вет тидын деч федеральный кӱкшытыштӧ могай пунчал-влак лукталташ тӱҥалыт, могай проект-влак полышым налыт да Марий Эл кузе вияҥаш тӱҥалеш, шога. Ушештарена, йӱклымаш эше 19 да 20 сентябрьыште эрта. Сайлыме участке-влак 8 шагат гыч 20 шагат марте пашам ыштат, тыгак дистанционный электрон йӱклымаш йӧн дене пайдаланаш лиеш.