Марий Элыште инвалид-влак ик эн ончыч йӱкленыт.
Марий Элыште инвалид-влак ик эн ончыч йӱкленыт. Сокыр-влакын всероссийский обществыштын регионысо пӧлкажым вуйлатыше Сергей Замков 72-шо № - ан избирательный участкыш мер организацийжын еҥже-влак дене пырля толын. Йошкар-Оласе 7-ше №- ан школышто улшо 72-шо №- ан сайлымаш участкыште, сокыр-влак шке йӱкыштым пуэн кертышт манын, чыла кӱлеш технологий дене келыштарыме. Участкыште волонтёр дежуритла, тудо сайлыме участкыш мийыше инвалид-влаклан полша. Тушто посна ӱстелыште тифломаркер-влак кият, Тиде лӱмын ыштыме электрон карандаш, тудо йӱклымӧ годым инвалид-шамычлан полша. Маркер дене лӱмын ыштыме ячейке-влакым тӱкымӧ годым бюллетеньыште йӱк гид кутыра, тудо сайлышылан кандидат да партий нерген кӱчык уверым каласкала. Тыгаяк кӱлеш уверым сокыр-влак Брайль шрифт дене печатлыме бюллетеньлаштат налын кертыт. Михаил Скобелевын фотожо/ "Марий Эл" увер агентстве.