🌞⛈️Тиде арнян игече икмыняр гана вашталтеш
🌞⛈️Тиде арнян игече икмыняр гана вашталтеш Марий гидрометеорологий службо рӱдерын увертарымыж почеш, кеҥежын пытартыш кечылаштыже йӱдым покшым возын. 28 гыч 31 август марте температур йӱдым +1 - +6℃ градус, а мланде ӱмбалне -3 ℃ градусат лийын. Тиде арнян синоптик-влакын прогнозышт почеш скандинав антициклоным атлантик циклон алмашта, сандене йӱштӧ кукшо южым вӱдыжгӧ да леве юж алмашта. Таче, 31 августышто, верын-верын республик мучко изи йӱр йӱрын эрта, кечывалым южын температуржо 17-19 ℃ градус лиеш. Сентябрьын икымше кечылаже шокшо лиеш. Йӱдым температур 11-14℃ лиеш, а кечывалым юж 20-23 ℃ марте ыра. Эн шокшо вӱргечын, 2 сентябрьыште, лийшаш, термометрыште 24-27℃ марте ончыктышаш. 1 гыч 3 сентябрь марте верын-верын изи йӱр лийын кертеш. Арня мучаште игече начаремеш. Кугарнян да каныш кече мучко йӱр, верын-верын кӱдырчан йӱр лийын кертеш. Шуматкечын да рушарнян писе мардежым сӧрат. Рушарнян юалгырак лиеш, кечывалым юж 16-18 ℃ марте веле ыра. 📸Михаил Скобелевын фотожо/ "Марий Эл" увер агентстве