📰🍀Газетнан у номерыштыже лудаш темлена:
📰🍀Газетнан у номерыштыже лудаш темлена: ✅«Тӱрлӧ калык улына, авана икте – Россий».Тӱрлӧ калык-влак кокласе II патриотический молодёжь слётым пайремлын почмо годым Марий Элым вуйлатыше Юрий Зайцев тыге палемден каласыш. Мероприятий гыч репортажым "Самырык тукым" лаштыкыште лудаш темлена. ✅14-16 августыштоЙошкар-Оласе Чарла кремльыште Мӱй спаслан пӧлеклалтше ялозанлык ярмиҥга эртен. Тушко республикнан тӱрлӧ кундемлаж гыч мӱкшызӧ-влак мӱйым, пергам, шыркам, шыштым, пӱрым ужалаш конденыт. Чылаже латныл мӱкшызӧ шке сатужым темлен. Тышке шуко турист толын ыле. Нуно Марий кундемыште кӱзымӧ мӱйым моктен ойленыт да кумылын налыныт. Умбакыже - "Ялозанлык" лаштыкыште. ✅– Калыкна тӱҥ шотышто пашашке мӱндыр кундемыш кудалыштеш, – ойла Морко район Изи Шӱргӧ ялын старостыжо, шымлу кок ияш Леонид Васильев. – Ятырын, шошо гыч тӱҥалын, шыже марте чодыра поянлыкым, мӧрым, снегым, модым, поҥгым, выньыкым поген ужален, оксам ыштат. Вет ялыштына ынде тӱшка озанлык уке, мландыжат яра кия. Шоҥго-влакын пӧртышт, кевыт да медпункт гына кодыныт. Кумдан "Ял илыш" лаштыкыште лудса. ✅Кугу Ачамланде сарын участникшын тулык ватыже Людмила Шадская 101-ше шочмо кечыжым палемден. Кугу Ачамланде сар тӱҥалмек, суртоза фронтыш каен, но Сталинград воктене увер деч посна йомын. Людмила Козьмодемьянскыште мӱкшызылан тунем лектын, сар ийлаште аваж дене пырля колхозышто тыршен. Умбакыже - "Социальный илыш" лаштыкыште. ✅Кодшо каныш кечылаште Медведево район Руэм посёлко воктенысе ипподромышто регион-влак кокласе «Йошка Еш» IV-ше гастрономий фестиваль кумдан эртен. Йӱран игечым ончыде, тудо элнан латкум регионжо гыч 200 утла поварым иквереш ушен. Марий Элын чыла гаяк районжо ден олаже гыч эн сай 15 команде толын. Нуно чылажге 340 утла ойыртемалтше кочкышым темленыт. Мероприятий гыч репортажым "Фестиваль" лаштыклаште лудаш темлена.